春庭越調 (已結業)

见装修几靓，又系新派越菜，所以试下。环境坐得几舒服，只系冷气唔够冻，食到有少少出汗。服务几好，不过食物味道一般。我叫左招牌三黄鸡汤河，配上炸鸡皮及油炸鬼，炸鸡皮不够香脆，始终冇烤鸡皮咁好食，油味偏重，鸡肝酱就睇个人口味。油炸鬼整得几好，松软得来唔会太干身，而且有2只酱料可以沾嚟食。最后就讲讲个主角鸡河，可以话非常之普通🥲。汤底淡得嚟又冇层次，鸡肉味唔重，但系份量都算多，食完好饱肚。依个价钱，食物味道可以做得更好。