影片
更多
2021-02-23
159 浏览
大围近年开咗唔少café小店，众多选择之中，呢间Platform喺区内或区外都颇有讨论度。位于略为隐蔽嘅田心村内，唔熟路嘅话都要花啲时间揾一揾。舖头位置低调，但门面设计装修就十分有特色。玻璃门门框油上湖水蓝色，门前有几张枱櫈供作露天茶座，加上地下铺咗木地板，望落十分写意。当日我同朋友谂住去食个late lunch，下午三点几去到，唔需要等位就可以入座。餐厅内大概容纳到20-23人，如果坐满都可能会有少少迫夹。呢个时间舖头只有两三台客，静静地正适合我同朋友倾吓计。呢度嘅装修行简约风，但摆设就好有心思，周围放咗啲绿色盆栽、相架同小摆设。灯光柔和，下午仲有啲自然光晒入嚟。餐厅用嘅系木枱，整体呈暖色系感觉好温馨好cozy。餐厅menu简洁易睇，我同我朋友叫咗个pulled pork同埋the new yorker嚟share。嘢饮方面我嗌咗热柠檬姜苹果果茶，我朋友就拣咗杯热latte。嘢食嚟到我真系哗咗一声，个pulled pork啲青苹果丝多到就嚟跌落嚟😂呢两道菜都各跟一个bagel，我哋拣咗cheese bagel配个pulled pork。呢度嘅自家制bagel系招牌嚟，烘热咗暖暖地有啲
大围近年开咗唔少café小店，众多选择之中，呢间Platform喺区内或区外都颇有讨论度。位于略为隐蔽嘅田心村内，唔熟路嘅话都要花啲时间揾一揾。舖头位置低调，但门面设计装修就十分有特色。玻璃门门框油上湖水蓝色，门前有几张枱櫈供作露天茶座，加上地下铺咗木地板，望落十分写意。
当日我同朋友谂住去食个late lunch，下午三点几去到，唔需要等位就可以入座。餐厅内大概容纳到20-23人，如果坐满都可能会有少少迫夹。呢个时间舖头只有两三台客，静静地正适合我同朋友倾吓计。呢度嘅装修行简约风，但摆设就好有心思，周围放咗啲绿色盆栽、相架同小摆设。灯光柔和，下午仲有啲自然光晒入嚟。餐厅用嘅系木枱，整体呈暖色系感觉好温馨好cozy。
餐厅menu简洁易睇，我同我朋友叫咗个pulled pork同埋the new yorker嚟share。嘢饮方面我嗌咗热柠檬姜苹果果茶，我朋友就拣咗杯热latte。嘢食嚟到我真系哗咗一声，个pulled pork啲青苹果丝多到就嚟跌落嚟😂呢两道菜都各跟一个bagel，我哋拣咗cheese bagel配个pulled pork。呢度嘅自家制bagel系招牌嚟，烘热咗暖暖地有啲脆口，个cheese bagel芝士味唔算突出，胜在口感烟烟韧韧又唔干。个pulled pork味道够浓但唔会过咸，猪肉手撕后质地软熟唔柴，加上酸酸甜甜嘅青苹果丝，味道层次丰富。唯一败笔系上面块芝士脆片煎得太厚身，完全唔称得上系脆片，感觉上好似一块溶咗嘅芝士摆到干咗，咬落好硬身。除咗过多苹果丝同埋芝士脆片太厚身之外，呢两道菜都有一个问题，就系旁边嘅沙律太多😂😂😂(牙腩我真系好怕食生嘅菜🤣)，但调味就只有上面洒嘅少少芝士粉，就咁食生嘅菜(我)真系难以下咽，可以考虑俾返啲橄榄油同黑醋，又或者系麻酱啲沙律菜。
至于个插着把刀嘅the new yorker入面就好多料，有烟熏牛肉、烟肉、焦糖洋葱、青瓜同蕃茄，再加上一大pat蜜糖芥末籽酱配原味bagel。唔知系咪底下嘅食材重水份，底𠮶块bagel有啲soggy，影响咗整体bagel嘅口感。所有食材夹埋一齐食，烟肉嘅味抢先出咗嚟，蜜糖芥末籽酱同焦糖洋葱嘅味亦都突出，反而烟熏牛肉嘅味道就唔太明显，有啲浪费。大部分食材味道都比较浓，但配埋青瓜同蕃茄有一种减腻嘅效果，食落整体感觉都算和谐。反而两杯嘢饮就平平无奇。
就嚟食完两道菜，见到隔离枱嘅客人嗌咗个苹果批，卖相浮夸(我钟意🤣)得嚟仲好香肉桂味，搞到我哋心思思，最后忍唔住嗌咗一份🤣。个冰火苹果批真系好适合打卡，但系嚟到后就要尽快食，皆因个雪糕好快就会溶。苹果批主体好香好好食，苹果够多，甜度同肉桂味刚好仲焗到有阵焦香味，配埋个雪糕食完好满足🤪个棉花糖同啲crumble相对就冇乜存在意义，用嚟打卡一流，但对于道菜整体嘅味道同口感都冇乜实质嘅帮助或提升。
呢度嘅食物质素未算最突出，但喺众多嘅Café小店来讲都好够做。配合埋整间餐厅悠闲嘅氛围，我同我朋友食下倾下都坐咗两个零钟。另外店内bagel有原味、芝士同芝麻以供选择，仲有设外卖，钟意食嘅话可以买返去第二朝做早餐🤪舖头位于我就脚嘅大围，加上网上唔少好评，令我都会想试吓餐牌上其他嘢食，回头率有五成。
以上为小编极粗浅之见，不喜敬请忽略。
后记: 店员态度算亲切，最值得赞嘅系我个朋友走𠮶阵留低咗张奖学金嘅支票(有冇搞错)，个店员追咗我哋成条街俾返我哋😂。
🥯Pulled pork $88
🥯The new yorker $78
🥧冰火苹果批 $76
☕️Latte(H) $40
🫖lemon and ginger tea(H) $42
💰人均消费 $162
冰火苹果批
$76
23 浏览
0 赞好
0 留言
张贴
