Bistroholic (已結業)

约咗几个朋友喺铜锣湾食饭，唔知食咩好就谂住嚟呢幢大厦揾食！见到楼下有呢间餐厅个牌就上咗去试吓，呢度系食意大利野加少少fusion菜，环境几好，布置都几靓，几啱拍拖或者一班女仔嚟影相打卡食野！大家放工之后都好肚饿就急不及待叫嘢食！第一个嚟嘅系烟薰松板肉沙律，听过侍应讲话呢道菜系模仿以前啲猪揾黑松露嘅感觉！虽然佢话烟熏但我就冇谂过佢会系我哋面前打开，感觉又靓又新鲜！同埋味道都系真心好，好香烟薰味！我最钟意佢加埋啲风干水果，有咬口得嚟又健康！跟住嚟咗两个小食一个系酿鸡翼，不得了，外脆内嫩，我地劲快清晒！另外一个脆棒都好好食！主菜我地要左一个海胆酱意大利饭，劲正！feel到佢真系落咗好多海胆同埋海胆都好新鲜，所以成个饭都好Creamy ！带子都好好味，无谂过日本食材可以咁样整！我哋仲要左个辣椒海鲜意大利粉，本身都劲会太辣食唔到但点知原来劲惹味，而且佢啲意大利粉煮得岩岩好，烟韧得嚟唔会痴住哂！最尾叫左个甜品，本身见到个样好似唔系好吸引咁，但点知真心好食，果然人不可貌相，超级香咖啡味！总结，环境几舒服，野食都好味，可以嚟舒服HEA下！