Happy Farm BBQ (已結業)

朋友介绍下, 去左happy farm聚会和BBQ. 前一天仲担心会下雨, 结果负责人说: 已经买了帐篷!! 真是太好了, 约好咁大班人, 如果要改期就扫兴啦!估唔到环境真系好正! 好似响自己的后花园搞party咁(发白日梦). 无耐, 应该系"事头婆" (都几靓女)主动问我饮唔饮即磨咖啡~ 其实朝早都饮咗, 唔应该饮咁多, 但闻到真系好香, 事头婆听到我话钟意多milk, 佢就冲咗杯好香好滑的coffee 比我!! 不过唔记得系咩名堂了. 人未到齐, 我地乜都攞黎玩餐饱, 连层层层叠都唔放过! 跟住居然仲有K 唱?! 新歌就唔好搞我啦, 好彩都仲有我识唱果d. 至于野食, 真系估唔到咁好, 款式齐全, 又好入味! 比起大/小榄果d真系好好多~ 而且又学到野㖞~ 因为事头婆介绍用厚面包来烧, 外脆内软, 下次自己烧都要厚"多". 一向唔好鱼, 朋友话d 青鱼好好食, 我就一般啦. 大尾督有人嫌远, 我反而O 㖞, 搭东铁再搭程巴士, 真系方便过去屯门果d.