德美壽司 (新都城中心1期) (已結業)

三色鱼生丼（配汤、沙律、甜品）$120鱼生饭三色有三文鱼、油甘鱼、带子刺身，加上一只温泉蛋，面头仲加咗唔少蟹籽提鲜，鱼生食落新鲜嫩口，带子鲜甜，味道唔错。-天妇罗乌冬（配汤、沙律、甜品）$88天妇罗有虾、茄子、冬菇、蕃薯同南瓜，都好大碟，炸得香脆之余唔会油腻，只虾仲要系实肉鲜虾嘅口感。乌冬方面弹牙有咬口，汤底唔浓，加咗温泉蛋、鱼片、粟米、昆布等，清得来又好食。-加州卷 $49好大件好足料嘅寿司，里边夹有蟹柳、青瓜、玉子等，表面嘅蟹籽鲜甜爽口，食一件已经好有饱肚感。-汤、沙律、甜品面豉汤，芝麻酱豆腐沙律，士多啤梨泡芙，全部都正常口味。