森美餐廳

营业中

休息中

九月初嘅一个下午，约咗朋友食下午茶，佢提议去到呢一间新开嘅餐厅，唔系佢讲都唔知道原来森美餐厅去多咗一间分店。入面嘅装修好舒服，木制嘅枱櫈带点田园风。下午茶时段，客人不多，有一种悠闲嘅感觉，可以同好友坐低慢慢叹一个tea。下午茶选择都算颇多，有13款之多。牛油果牛角包餐$40虽然系下午茶嘅时段，食物display一啲都唔马虎，牛角包烘得微暖香脆。牛油果同埋入边嘅蔬菜都好新鲜。跟餐嘅饮品非常特别，平时最常见就系柠乐，你呢度竟然有香橙可乐。杯入边已经摆放左切好嘅香橙片，饮法同柠乐相似，香橙嘅味道可以自己调校。呢个饮品真系第一次饮，几新奇有趣。总括嚟讲价格相宜，可以一试。