北海道爐端燒 (已結業)

亚士厘道𠮶度多嘢食就系人都知，除咗地舖之外，响两边嘅大厦，都隐藏左唔少楼上美食，北海道炉端烧就系其中一间，店舖位于捷利商业大厦3楼，有升降机上唔需要撑楼梯店内环境优雅舒适，有两种位置选择，我同个朋友就拣左日式啲嘅地台座位，不过唔钟意除鞋嘅朋友都可以选择正常嘅餐桌。坐定定之后就研究餐牌，餐牌亦有图片供参考有很多不同选择，其实平时去放题𠮶啲，食到好多日本嘢，但去呢啲居酒屋feel嘅先食到特别啲嘅日本菜式，最后我们点左以下嘅食物。海胆刺身好新鲜，配合紫菜包住真系一流明太子蛋卷热辣辣送到埋黎要即刻食，先会食到佢最美味嘅一刻。浜烧蟹盖，呢个真系正到唔知点形容，我系有啲怕生鸡蛋嘅人，但捞完啲蟹膏蟹肉真系好难抗拒。特别想推介嘅系呢一款食物，「串烧拼盘」真系惊喜之作，因为系由厨房师父随意配搭，当中会有餐牌上无嘅嘢食。最后，呢两个稻草烧安格斯牛扒同烤塩鲣刺身都好好味，餐厅将牛扒分开几部份，将最好食𠮶啲放向叶上面，唔怕肥嘅话可以食埋底部𠮶啲较肥嘅部分。个塩鲣刺身好正，好有口感，连埋个蒜同啲葱，一啖放晒入口真系正到爆！