馬來一菜館

营业中

休息中

我本身中意食东南亚菜，咁啱经过呢间酒店见到餐厅招牌，就谂住黎试下。入面个地方宽敞、座位舒适，1点半入去唔系好多人。有个外藉员工带我去座位，讲广东话有少少口音。虽然唔系话好慇懃，佢地系有笑容同埋都有礼貌。lunch set 168蚊加一，原本好想吃海南鸡饭但系可惜个lunch set 入面冇。最后叫左啰惹沙律同叻沙。沙律入面有各式各样嘅蔬果，个酱汁偏咸，所以有d果系吃唔出咩黎。入面有青瓜、菠萝、杨桃、鱿鱼等等。个沙律有d辣辣地，如果吃得辣嘅话overall 个味道是可以的。个叻沙汤底普通，(正常的味道)唔系好辣，有椰香味。佢同我平时吃开嘅叻沙唔同，个面条系白色并非黄色，而且有弹性同埋爽口嘅。我几中意个面条。虾仁煮得啱啱好，唔老唔嚡口。咖啡偏淡，饮斋啡嘅话都可以，但系加糖加埋奶就太淡喇。埋单184.8蚊，价钱偏贵。d食物味道唔算好突出，但系坐得好舒适，如果同朋友坐低倾下计、吃下饭嘅话都ok嘅。