北海道爐端燒 (已結業)

出粮日又可以食好啲，就贡咗上嚟呢度，叫咗烧牛舌，鱼生丼，炸鸡。呢度环境清幽，光暗度感觉有气氛，坐得尚算舒服，可以静静哋倾下计。鱼生丼，每件都系大件厚切。而且多种类，我觉得最正都系金目鲷，爽口弹牙，其次就系肥美三文鱼腩同剑鱼腩，再者饭中已混入酱油，仲有好多玉子条，丰盛到一个点，仲有我想讲呢度嘅芥末似系即磨个只，食出经典原味。烧牛舌，大件嘅，厚薄适中，火喉啱啱好，其实送紧上枱时都已经闻到好香，肉汁保存无流失，肉质嫩滑易吞，两口一件，有水准。最后开心share招牌香酥鸡件。鸡件系即炸嘅，果然香酥扑鼻，肉质亦都鲜嫩juicy。配合相信系自家特制嘅酱汁，味道的确迎合到我。今餐价钱合理环境优美，令我地都几满意。