PizzaExpress (康怡廣場北座) (已結業)

Lunch time去咗pizza express食，由于价钱唔平，所以都好耐冇嚟食，原来已经冇咗set lunch，反而系叫一个主菜，送头盘及饮品。4个女仔，叫咗3个主菜其实已经好够食。头盘有2款选择，焗面包球或沙律。焗面包球松软，点上牛油食，系个几好嘅配搭。北京烤鸭薄饼，有啲似食片皮鸭，其实唔错，略嫌咸咗少少肉酱千层宽面，芝士味浓，不过整得好薄。烤鸡配蝴蝶粉，呢个最好食，但由于系第一道上加上各人都有点饿，嚟唔切影相。呢度嘅环境唔错，楼底高，坐得舒适，虽然价钱唔平，但间唔中嚟，悠闲咁食个饭，都系唔错嘅选择。