六小館

东涌六小馆🥢🥢🥢前几日同朋友又去左东涌outlet到血拼，经过上次东涌伏食经验，今次唔会再犯同样既错误，所以我地拣左去六小馆食晚饭。六小馆系六公馆既姊妹店，质素都唔洗多怀疑🤗清汤新鲜牛杂🐄牛杂洗得好干净冇雪藏味，油脂比例均匀有牛香味，加上白萝卜同唐芹煮成既汤底，每啖都好鲜甜。七味脆皮豆腐😊豆腐炸得脆口金黄，但系咬落去仍然保持滑嫰，Size岩岩好一啖一粒，做前菜好开胃惹味。黑杞子浸时蔬🥬黑杞子含花青素，营养丰富，系女士既抗衰老恩物。除左有白菜，云耳，仲有秀珍菇，岩哂钟意清淡既朋友。最后我地仲叫左鲜野菌烩饭🍚餐厅环境阔落，坐得舒服，员工亦都好有礼貌。而且价钱比六公馆亲民，绝对值得一试🥰