Chilli Lime (MONTEREY Place)

营业中

休息中

餐厅有情调，气氛唔错，座位舒服，有加一，职员好客有礼之外，菜式选择多，上菜都快，摆盘都靓，越夜越多人，建议先book枱。冬荫功汤配大虾108两只大虾开边，虾肉新鲜弹牙，冬荫功少少辣又有啲酸甜地，够开胃。泰式金沙律$88烧猪肉腌得入味，自制泰汁超正，少少辣，劲惹味又好醒胃，连配菜都食晒，推荐。印式椰香牛肉$148+配蒜蓉烤饼$38有三大块簿饼，边边脆口中间松软，蒜蓉味好香，有咬口又好食，不用沾酱已经好好食，配上微微辣又浓郁椰香味既咖哩，绝配。咸鱼炒芥兰$88炒得好有镬气，有咸鱼香味但绝对唔会过咸，味道适中，芥兰爽脆。Fruit Float $68好浓芒果及菠萝味，甜甜地，好饮。Yellow Sky $58酸酸甜甜，绝对解腻。椰丝斑兰丸子布丁$68斑兰味既西米，烟烟韧韧又唔太甜，配上椰丝一齐食，好香，最特别中间粒红色丸子，劲粉，几好食，整个甜品几特别。