影片
更多
2011-08-08
5394 浏览
喺铜锣湾shopping，行到肚仔饿，加上天气又热又翳焗，于是就喺身处位置嘅渣甸坊揾食！渣甸坊虽然有好多食肆，但weekday lunch time到处都系人龙，我同个fd揾左一阵先决定去汉和！眼见汉和就喺屈臣氏楼上，但原来佢嘅入口，系要through屈臣氏里面搭行人电梯上去嘅！我地唔知，仲以为系由邻座大厦搭电梯上去，后来问个保安哥哥先知！嗯，汉和都算指示唔清晰，几难揾！。。。一上到去，成间店乌灯黑火，就连附近都冇咩租舖，人气欠奉，感觉就似一个清盘嘅简陋商场咁！ 唔讲商场，讲下汉和店内环境，佢楼底矮、装潢简陋至极、店内海报、餐牌、食物点选纸同座位都有豉油渍／油渍，污污糟糟又立黐黐，地下又有肉碎同厕纸。。。 咁嘅情况，唔怪之得喺呢个＂黄金时间＂都只有小猫三数食客，可以讲系侍应仲多过客人！（虽然系咁，但侍应唔系个个应你，你要一直举起只手，叫了几次先有人黎serve你！）店舖环境同服务如此，当堂令食欲减半，希望阵间黎嘅食物能够为汉和加分啦！我同个fd分别叫了午市饭餐：锅烧牛肉饭＋冬瓜人参鸡汤＋豆浆，及锅烧鸡肉饭＋冬瓜人参鸡汤＋豆浆！每个$38（要加一，即每人埋单$42！）先讲讲前菜！通常韩
喺铜锣湾shopping，行到肚仔饿，加上天气又热又翳焗，于是就喺身处位置嘅渣甸坊揾食！渣甸坊虽然有好多食肆，但weekday lunch time到处都系人龙，我同个fd揾左一阵先决定去汉和！
眼见汉和就喺屈臣氏楼上，但原来佢嘅入口，系要through屈臣氏里面搭行人电梯上去嘅！我地唔知，仲以为系由邻座大厦搭电梯上去，后来问个保安哥哥先知！嗯，汉和都算指示唔清晰，几难揾！。。。
一上到去，成间店乌灯黑火，就连附近都冇咩租舖，人气欠奉，感觉就似一个清盘嘅简陋商场咁！ 唔讲商场，讲下汉和店内环境，佢楼底矮、装潢简陋至极、店内海报、餐牌、食物点选纸同座位都有豉油渍／油渍，污污糟糟又立黐黐，地下又有肉碎同厕纸。。。 咁嘅情况，唔怪之得喺呢个＂黄金时间＂都只有小猫三数食客，可以讲系侍应仲多过客人！（虽然系咁，但侍应唔系个个应你，你要一直举起只手，叫了几次先有人黎serve你！）
店舖环境同服务如此，当堂令食欲减半，希望阵间黎嘅食物能够为汉和加分啦！我同个fd分别叫了午市饭餐：锅烧牛肉饭＋冬瓜人参鸡汤＋豆浆，及锅烧鸡肉饭＋冬瓜人参鸡汤＋豆浆！每个$38（要加一，即每人埋单$42！）
先讲讲前菜！通常韩食店都会有三数碟前菜俾客人（如泡菜、银鱼仔、绿藻、豆腐干等等选择），呢度都有，不过只有白菜同大豆芽，连韩式食店必有嘅泡菜都冇，咁同普通酒楼食肆有咩分别！仲有，我地见每张台（无论有冇客人喺度都好）都预先放左一碟＂前菜＂喺度，冇遮冇掩，其实咁样会对味道／卫生方面好影响架！！！
除左前菜，每台都有一壶茶，但倒出黎居然有好多油渍浮面，哗，真系好得人惊！唔知系Ｄ茶唔干净定系个杯有油渍！。。。
锅烧牛肉饭／锅烧鸡肉饭：（赞）够晒热，够晒大碗，饭多𩠌多。（弹）唔够汁，好难拌晒成碗饭，食到咁上下，就会觉得好干好滞！另外，Ｄ肉质素好参差，大部份都好韧，咬唔开！
冬瓜人参鸡汤：一如饮味精汤，冇人参味！汤内冇冬瓜冇鸡肉！
豆浆：唯一觉得ok，可以放心饮晒成杯嘅东西！
总括黎讲，无论喺店舖环境、装潢、服务、食物等方面都唔ok，睇怕都唔会再帮衬啦！
张贴
