影片
更多
2018-06-23
276 浏览
今次系第一次写食评，因为真系忍唔住唔写。呢间餐厅喺蓝湾半岛开左咁多年，本来开始嘅时候都还勉强过得去，因为商场冇乜类似嘅平民茶餐厅，而且佢价钱都唔算贵、食物质素都ok。 但依家真系越做越差，服务态度差，卫生情况更差。本来今日因为时间比较赶，其他想去嘅餐厅未开，所以贸贸然去左呢度食早餐。我叫左个鸡扒公仔面，同行嘅友人叫左个鱼柳拼茄汁豆加蒜蓉包。食物唔系重点，味道普通冇特别评价，重点系卫生问题。盛载餐具嘅柜桶，有啲污糟、有油渍，用餐具前必须洗一洗抹一抹先安心。食左一阵，就见到一只迷你小曱甴喺墙上出现。友人即刻攞纸巾㩒死左佢。以为之后冇事啦，结果唔够五分钟，又有另一只中型曱由（手指头大小）出现喺同一块墙上, 而墙左边小小就系厨房嘅窗口，认真恐怖。𠮶阵时冇谂咁多只系想快啲走人，对住啲嘢食都冇胃口🤮。我好好奇究竟呢间餐厅系咪住左成窦曱甴，再望一望对面枱块墙，果然又见倒一只大嘅（曱甴爬嘅位置都好近枱面），真系好恶心。𠮶边嘅食客望倒，避左两避，都低头想快啲食完快啲走。之后我哋有同侍应反映，佢「哦」左一声就算，一啲都唔惊讶（可能惯左），亦冇道歉，冇话会跟进等等。总之，呢间野系我心目中嘅形象完全插水。我冇
呢间餐厅喺蓝湾半岛开左咁多年，本来开始嘅时候都还勉强过得去，因为商场冇乜类似嘅平民茶餐厅，而且佢价钱都唔算贵、食物质素都ok。 但依家真系越做越差，服务态度差，卫生情况更差。
本来今日因为时间比较赶，其他想去嘅餐厅未开，所以贸贸然去左呢度食早餐。
我叫左个鸡扒公仔面，同行嘅友人叫左个鱼柳拼茄汁豆加蒜蓉包。食物唔系重点，味道普通冇特别评价，重点系卫生问题。
盛载餐具嘅柜桶，有啲污糟、有油渍，用餐具前必须洗一洗抹一抹先安心。
食左一阵，就见到一只迷你小曱甴喺墙上出现。友人即刻攞纸巾㩒死左佢。
以为之后冇事啦，结果唔够五分钟，又有另一只中型曱由（手指头大小）出现喺同一块墙上, 而墙左边小小就系厨房嘅窗口，认真恐怖。𠮶阵时冇谂咁多只系想快啲走人，对住啲嘢食都冇胃口🤮。
我好好奇究竟呢间餐厅系咪住左成窦曱甴，再望一望对面枱块墙，果然又见倒一只大嘅（曱甴爬嘅位置都好近枱面），真系好恶心。𠮶边嘅食客望倒，避左两避，都低头想快啲食完快啲走。
之后我哋有同侍应反映，佢「哦」左一声就算，一啲都唔惊讶（可能惯左），亦冇道歉，冇话会跟进等等。
总之，呢间野系我心目中嘅形象完全插水。我冇见过一间餐厅恐怖得过佢。
我 以后 都唔会再去呢间餐厅。
张贴