DK1885 (已結業)

食lunch天口劲热，身水身汗入到去一杯水都冇俾我（我见到角落头有放水壶同杯）叫咗个捞檬加冻饮，捞檬劲快上咗，味道ok但系打开酱汁盖会有“惊人发现”, 一打开就知佢长期冇换过冇理过酱汁壶...牙签筒冇晒牙签都冇人理...成个捞檬食晒杯冻饮都系未上，但系冷气好劲已经由身水身汗变到觉得好冻，想叫店员帮我转热饮...我：「我杯嘢仲未到，可唔可以转热饮？」但系店员答我：「漏咗，依家整！」前面𠮶句听到，后面𠮶句会听唔到？？？我：「我问可唔可以转热饮？」叫咗两次，成间餐厅客人都望住，佢依然自己顾自己去整冻饮！当然杯冻饮嚟到我饮唔到啦！钱我照俾，但系下次唔会再帮衬！