芽籠

营业中

休息中

早几日食完马六，转个头又想回味一下马来风情，但食极同一间又冇对比无进步，所以就行过2个街口既呢间「芽笼」去睇下会唔会有更高既味觉享受由店外到店内，个人感觉芽笼系富丽堂皇得多，木制装备更有异国风情既味道，光线柔和得黎比人一种相对舒服既感觉食物方面就比较吸引眼球，饮品选择都唔少，因为太花多眼乱，选择困难症，所以就直头叫左个（芽笼虾面）,有个店名仲唔系招牌菜？实冇死再外加新鲜椰青一杯5分钟上菜，第一印象就系估唔到真系椰子成个上，本身谂住系玻璃杯椰青水加2片椰肉就算有得饮仲有得食，比埋只匙羹慢慢食椰肉，抵赞到番个面，其实就系油面米粉两沟既面底，两重口感，汤底就好重虾子味，有点咸但有椰青就balance番。成个面都重口味, 腩肉片软硬肥瘦适中，但d软骨咬唔系好开，浪费。糖心蛋几重酱油味夹creamy；d虾睇落有3只，实际旧旧得半块加埋得1.5只虾，有点小气，毕竟呢个level既虾唔算系贵野加埋d一啖就食晒既虾米仔，睇落大大碗但一下就食晒，佢唔系下午茶餐但份量个人认为女性向多d，唔太够饱，加埋现场10枱客9枱都女士，可能真系预左d客唔大食既面加饮品九十零蚊，话平唔平话贵唔贵，环境几好但现场唔算静，