板神鉄板燒日本料理 (The Hennessy) (已結業)

铁板烧嘅精髓，就系可以睇住厨师系自己前面即席烹调。食材新鲜度、厨师技巧同食物质素系一览无遗。前菜三板分别系三式小菜、烟三文鱼野菜沙律同蟹肉他他。三式小菜入面嘅东风螺味道清淡、口感弹牙。蟹肉他他层次分明、丰富，蟹肉混合小龙虾，加上牛油果同脆底，非常美味！铁板菜式北海道带子配鱼子酱打头阵，鱼子酱带出带子嘅鲜味。大虾味道浓郁，偏为咸香。龙虾十分新鲜，口感好好好爽口，味道以鲜为主。美国牛肉薄切同厚切都好考师傅功力，薄切牛肉包住葱同蒜，味道特别！而最后以炒饭为结尾，粒粒分明，十分惹味。最后部分侍应送上龙虾味噌汤，将龙虾嘅精华提取出嚟。而甜品则系即席疏乎厘，加上忌廉、蜜桃同蓝莓，食得非常之饱呀！