影片
更多
2021-08-13
96 浏览
好耐无试过同同事放工之后，揾个地方chill吓，讲吓是非野，呻吓d无聊野！难得今日同事兴起，放工带咗我去佢最近几心仪嘅酒吧 - 雪吧🍺呢间楼上酒吧嘅空间几阔落，座位又坐得舒服，员工好有礼貌，播嘅歌都未算太嘈，咁倾计就唔洗倾到嗌交咁大声🤭 最紧要系呢度无好浊嘅烟酒味，环境好掂👍🏻咁睇番佢地note，星期四至六，7点-10点有🎸live band 🥁当然，各位K歌之王有兴趣，都可以上台一展歌喉🎤 无需费用架另外，酒吧仲有飞镖机，等各位飞镖高手可以切磋切磋啦仲有，作为酒吧，呢度都有提供各款唔同口味嘅水烟，有兴趣嘅朋友都可以chill下架到野食野饮方面表现如何呢🧐Cocktail - Snow White🍸：饮落唔算酒精太浓，加咗橙汁比较易入口，啱晒唔太钟意重酒精嘅朋友小食：- 烧秋葵食落都几爽口- 热热地嘅日式鸡泡鱼干，送啤酒真系一流，又好食，又有咬口(识食一定要热热地食)- 原条茄子，烧完之后洒咗辣粉喺面，食落辣辣地几惹味，食到茄子肉又甜甜地，正😋主食 ：- 意大利辣肉肠pizza🍕，饼底好松脆，面层又足料，个size啱晒两个人食，食完啱啱好，唔会太饱- 烟三文鱼天使面，好多烟三文鱼，个天
呢间楼上酒吧嘅空间几阔落，座位又坐得舒服，员工好有礼貌，播嘅歌都未算太嘈，咁倾计就唔洗倾到嗌交咁大声🤭
最紧要系呢度无好浊嘅烟酒味，环境好掂👍🏻
咁睇番佢地note，
星期四至六，7点-10点有🎸live band 🥁
当然，各位K歌之王有兴趣，都可以上台一展歌喉🎤 无需费用架
另外，酒吧仲有飞镖机，等各位飞镖高手可以切磋切磋啦
仲有，作为酒吧，呢度都有提供各款唔同口味嘅水烟，有兴趣嘅朋友都可以chill下架
到野食野饮方面表现如何呢🧐
Cocktail - Snow White🍸：
饮落唔算酒精太浓，加咗橙汁比较易入口，啱晒唔太钟意重酒精嘅朋友
小食：
- 烧秋葵食落都几爽口
- 热热地嘅日式鸡泡鱼干，送啤酒真系一流，又好食，又有咬口(识食一定要热热地食)
- 原条茄子，烧完之后洒咗辣粉喺面，食落辣辣地几惹味，食到茄子肉又甜甜地，正😋
主食 ：
- 意大利辣肉肠pizza🍕，饼底好松脆，面层又足料，个size啱晒两个人食，食完啱啱好，唔会太饱
- 烟三文鱼天使面，好多烟三文鱼，个天使面又整得弹牙，size都系唔晒两个人，食完又唔会觉得好溜
最后仲发现到，逢星期日晚都有塔罗牌占卜环节，每个人头消费满250蚊，就可以加50蚊玩一次塔罗牌占卜架啦🔮
张贴
