食樂

营业中

休息中

🌟Snow Catering-呢间餐厅位于葵芳广场附近，都比较容易揾到，而入到去门口，见到里面第一个暗调嘅氛围，有啲浪漫嘅气氛，而餐厅嘅周围都俾唔同嘅绿色植物衬托住，形成左一种特别嘅对比。🪴-讲到食物方面，上餐速度时间都较快👍🏻，个餐好快就上齐，对上餐时间都好满意。而今次嗌左嘅套餐里面包括忌廉粟米汤🫕，呢碗色泽均匀，甜度适中，白汤嚟讲都好creamy🤩，啲粟米嘅甜味同汤嘅浓郁口感真系好搭配，好滑好顺口。同时有片蒜蓉包做一个头盘嘅胃菜，呢个蒜蓉包真系好香好脆🤤，一切开就闻到一阵阵嘅大蒜香，每一啖咬落去都非常脆口。-主菜有黑松露杂菌扁意粉🍝，一上餐嘅时候香味十足，黑松露嘅味道好突出，仲有啲杂菌增加层次感。意粉煮得岩岩好，弹牙又入味，美中不足嘅系比较少黑松露汁，令到整体嘅意粉比较干🥲，之后食落就会容易有滞嘅感觉。-小食方面嗌左炸洋葱圈🧅，份量都比较多，而且都配上左甜辣蛋黄酱👍🏻，点埋一齐味道非常夹。饮品亦都嗌左杯冻百香果红茶🍹，佢嘅百香果同红茶嘅苦甜混合得好平均，仲有个微微嘅酸味，饮起黎解渴又清新。🤩-套餐入面仲包埋甜品——红豆凉粉🍯，啲红豆冰冰凉凉，加埋啲透心凉嘅凉粉，成个甜品又开胃又消暑