日牛涮涮鍋專門店 (已結業)

今日突然想食火锅，咁岩系旺角，本身打算系创兴广场揾食，点知好多间都因为疫情冇开，之后openrice见到原来朗豪坊有一间日牛，就黎左食。间餐厅系朗豪坊顶层，装修得好靓，几有格调，仲有个天窗，期间仲有几只麻雀飞过。我地食128个个餐，精选牛放题，一个寿喜烧汤底，一个麻辣汤底。个牛就比较失望，好烂咬，好韧。之后加叫左几碟，质素都一样，所以可能今次唔好彩。汤底：寿喜烧一如以往，都系无得输，都系最正既日式汤底。今次仲试左佢新出既麻辣汤，真系辣，唔食得辣既朋友唔好试。佢仲有d麻味，不过同四川个种麻辣锅口感唔同，冇个种香。但如果想食辣既朋友可以一试。配菜就自己出去拎，都唔算多选择，不过都算样样有d咁，基本菜，丸，粟米，蕃茄，面，豆腐都有。饮品都系得一部汽水机禁，有可乐，七喜，美连达，提子汁，红茶简。