影片
更多
2019-05-29
492 浏览
都有一排冇食韩国野，一直听闻「Outdark」炸鸡岀名，次次问朋友边间炸鸡好食，总会听到「Outdark」，女友又喜欢食炸鸡，不得不拜访一下。餐厅一到繁忙时间就full哂，建议订位或者早啲入座。餐厅内外环境好迷人，一入门口就有个仿南山既情侣锁墙，有兴趣可以买锁挂，而内里设计都系卡位为主，灯光昏影，天花挂满著灯既星星，情调十足，好适合情侣嚟。食物选择选择唔算十分多，主打炸鸡同大锅既炒年糕/汤锅，价钱就属香港食韩国菜既价位。双拼炸鸡(全份) $192拣左酱油拼香蒜蜜糖，点炸鸡都会附上4款酱汁比你，我估计系柚子酱、甜辣酱、蜜糖芥末酱、烧烤酱。炸鸡原来唔止炸鸡咁简单，仲有炸薯条、薯格同薯仔，先讲配料炸薯条、薯格同薯仔，表面应该洒咗芝士粉，食落甜甜地，而炸物不油溢，好香口，配返炸鸡佐酒一流！至于炸鸡份量就比预期有啲少，炸鸡已经去骨，炸粉较薄，而肉质几嫩滑，味道方面，酱油唔够入味，但香蒜蜜糖就好惹味，另外可以再沾附上既4款酱汁，配甜辣酱或蜜糖芥末酱都好夹。海鲜原祖炒年糕 $298可选原味或辛辣味，原味都有一只辣椒仔，虽然我地食得辣，不过初尝都系叫原味食真啲。围边有粟米水牛车打芝士、紫菜饭、香甜菠萝
餐厅内外
环境好迷人，一入门口就有个仿南山既情侣锁墙，有兴趣可以买锁挂，而内里设计都系卡位为主，灯光昏影，天花挂满著灯既星星，情调十足，好适合情侣嚟。
食物选择
选择唔算十分多，主打炸鸡同大锅既炒年糕/汤锅，价钱就属香港食韩国菜既价位。
双拼炸鸡(全份) $192
双拼炸鸡(全份)
$192
45 浏览
0 赞好
0 留言
拣左酱油拼香蒜蜜糖，点炸鸡都会附上4款酱汁比你，我估计系柚子酱、甜辣酱、蜜糖芥末酱、烧烤酱。炸鸡原来唔止炸鸡咁简单，仲有炸薯条、薯格同薯仔，先讲配料炸薯条、薯格同薯仔，表面应该洒咗芝士粉，食落甜甜地，而炸物不油溢，好香口，配返炸鸡佐酒一流！至于炸鸡份量就比预期有啲少，炸鸡已经去骨，炸粉较薄，而肉质几嫩滑，味道方面，酱油唔够入味，但香蒜蜜糖就好惹味，另外可以再沾附上既4款酱汁，配甜辣酱或蜜糖芥末酱都好夹。
海鲜原祖炒年糕 $298
海鲜原祖炒年糕
$298
26 浏览
0 赞好
0 留言
可选原味或辛辣味，原味都有一只辣椒仔，虽然我地食得辣，不过初尝都系叫原味食真啲。围边有粟米水牛车打芝士、紫菜饭、香甜菠萝粒及香炒泡菜。海鲜有原只炸八爪鱼，店员会帮手剪开方便食，海鲜仲有蚬及虾，底部仲有菜、鱼糕、年糕，确系份量十足！原味其实唔辣，都系用上韩式果只甜辣酱，但甜味为主，炸八爪鱼因为浸系汁入面，所以外层唔再酥脆，不过咁样冇咁热气反而我中意，加上八爪鱼够弹牙，沾上韩式甜辣酱好惹味，而蚬及虾就正正常常，我个人好中意食鱼糕、年糕，年糕煮到岩岩好，好烟韧。至于围边配料中意点食都得，我会将芝士同紫菜饭捞埋再加啲甜辣酱，自制炒饭。
两个人叫2样野已经好饱！炸鸡肉质不错，但比例可以炸鸡多啲，薯格薯条少啲，而原祖炒年糕份量2个人食得哂既，系舒服既饱，如果想试多啲野，可以多啲朋友一齐嚟食，因为仲有煎饼、炸酱面、饭卷呢啲可以试。
张贴
