影片
更多
2022-08-06
529 浏览
星期六下午，同妹妹二人在天后揾食，记得1年前见过呢间店未开门已经有人排队，OpenRice 食评又好，想试好耐，咁「好彩」见到店内有很多坐位，所以入去一试。店内标榜日式野菜，但又有肉食选择，非常啱我同妹妹一个爱食菜，一个食肉兽。叫咗猪软骨蔬菜咖喱饭，同牛筋蔬菜沙律。对于平均$80一个人，其实唔应该抱过高期望，但可能食评和食物卖相，令我对佢过份期待。先讲环境：坐位非常挤压，我同妹妹身型瘦小勉强可以，健硕男子、女士带大包包则非常唔建议。店员安排我们入口旁边的位置，店门不停打开，外面马路的汽车废气直接吸晒，仲要热气涌晒入黎，唔明白点解唔装风闸呢？如果想试呢间但唔想沙尘热气捞饭，入坐时记得要注意！否则想换枱的话，会令店内员工非常不客气「2号话要换枱呀」「咁你想坐边张吖！」，态度认真需要改善。食物：（sorry, 因为换枱过程顶住条气，无心情影相，所以相片欠奉）但公道讲句，食物卖相有70分的，因为蔬菜颜色丰富，茄子紫洋葱粗切薯仔翠玉瓜椰菜花红萝卜，每样1-2件，咖喱饭有1/4份系「灼蔬菜」，好过平时食碟头饭得2件，相比健康好多。我食嘅沙律有半碟沙律菜，但配搭牛筋肉嘅杂野菜原来系「炸」的，咬落去油
店内标榜日式野菜，但又有肉食选择，非常啱我同妹妹一个爱食菜，一个食肉兽。
叫咗猪软骨蔬菜咖喱饭，同牛筋蔬菜沙律。
对于平均$80一个人，其实唔应该抱过高期望，但可能食评和食物卖相，令我对佢过份期待。
先讲环境：坐位非常挤压，我同妹妹身型瘦小勉强可以，健硕男子、女士带大包包则非常唔建议。
店员安排我们入口旁边的位置，店门不停打开，外面马路的汽车废气直接吸晒，仲要热气涌晒入黎，唔明白点解唔装风闸呢？如果想试呢间但唔想沙尘热气捞饭，入坐时记得要注意！否则想换枱的话，会令店内员工非常不客气「2号话要换枱呀」「咁你想坐边张吖！」，态度认真需要改善。
食物：（sorry, 因为换枱过程顶住条气，无心情影相，所以相片欠奉）但公道讲句，食物卖相有70分的，因为蔬菜颜色丰富，茄子紫洋葱粗切薯仔翠玉瓜椰菜花红萝卜，每样1-2件，咖喱饭有1/4份系「灼蔬菜」，好过平时食碟头饭得2件，相比健康好多。我食嘅沙律有半碟沙律菜，但配搭牛筋肉嘅杂野菜原来系「炸」的，咬落去油淋淋，真系非常失望。
猪软骨同牛筋肉的确炆得好软淋，可惜唔入味，仲食到有雪藏味；酱汁浓且偏咸，但奇怪地D肉又入唔到个酱汁味。咖喱系普通日本咖喱砖味道，唔觉得要推介，连食肉兽妹妹都有一半猪软骨无食到，因为佢话唔好食。
只能够再讲，比个$80一个lunch，想有咩要求？但碟头饭唔包饮品，请店员加水要心惊胆跳，坐到逼逼喼喼，唔明点解有咁多好评。我自己试一次就够。
埋单$158，平平地买个教训，只系浪费咗个胃。
张贴