影片
更多
2022-09-22
774 浏览
妈妈前排叫住话想去high tea，趁放假就带佢同家姐同姨甥女嚟个girls' date👯♀️ 拣左一轮决定去嘉里酒店，地店方便，睇相地方都够阔落。平日二人set $638，三人就按比例计算，汇丰信用卡有八折。下午茶set有5款咸点、4款甜点、2款松饼，可以一次过试好多款茶点。饮品方面可以选择茶、咖啡、牛奶，款式有十几款、之后仲可以无限添饮，我地拣左茉莉花茶同洋甘菊茶🫖职员上下午茶时讲解左款式同品尝次序，我地都有乖乖地跟住🤣尼哥斯(左上)香煎金枪鱼伴以藏红花蛋黄酱，可能因为材料都唔系我喜欢或者常食嘅食材，所以呢个唔系太对我口味😶香炸薯球(左中)薯球有少少辣辣地，有芝士味同口感，不过不失🥔松叶蟹菊花啫喱(左下)本身对呢个充满期待，因为摆盘最用心系佢，但松叶蟹菊花啫喱味道真系好清淡，菊花味好微好淡。下面嘅沙律如果可以再多少少热情果酱应该我会感受到多啲热情🤣伊比利亚火腿及无花果多士(右上)呢个系咸点我最钟意的，火腿嘅咸同无花果嘅甜平衡左，食落有咸香，仲有阵甜味😋鹅肝酱法式面包(右下)呢个记忆点唔太深，鹅肝酱味道唔浓烈。我觉得甜点表现出色过咸点，好彩系食左咸点先😂车厘子开心果歌剧蛋糕(左上)短
平日二人set $638，三人就按比例计算，汇丰信用卡有八折。下午茶set有5款咸点、4款甜点、2款松饼，可以一次过试好多款茶点。
饮品方面可以选择茶、咖啡、牛奶，款式有十几款、之后仲可以无限添饮，我地拣左茉莉花茶同洋甘菊茶🫖
职员上下午茶时讲解左款式同品尝次序，我地都有乖乖地跟住🤣
尼哥斯(左上)
香煎金枪鱼伴以藏红花蛋黄酱，可能因为材料都唔系我喜欢或者常食嘅食材，所以呢个唔系太对我口味😶
香炸薯球(左中)
薯球有少少辣辣地，有芝士味同口感，不过不失🥔
松叶蟹菊花啫喱(左下)
本身对呢个充满期待，因为摆盘最用心系佢，但松叶蟹菊花啫喱味道真系好清淡，菊花味好微好淡。下面嘅沙律如果可以再多少少热情果酱应该我会感受到多啲热情🤣
伊比利亚火腿及无花果多士(右上)
呢个系咸点我最钟意的，火腿嘅咸同无花果嘅甜平衡左，食落有咸香，仲有阵甜味😋
鹅肝酱法式面包(右下)
呢个记忆点唔太深，鹅肝酱味道唔浓烈。
我觉得甜点表现出色过咸点，好彩系食左咸点先😂
车厘子开心果歌剧蛋糕(左上)
短期内食第二次开心果蛋糕好难无比较，呢度嘅开心果酱明显偏甜，成件蛋糕都层次较少，都好食，但之前喺荔枝角食嘅真系出色啲
云呢拿橄榄油蛋糕(右上)
蛋糕外面系白朱古力外壳，好甜，家姐食到觉得唔okay，但我太食得甜了，又觉得还可以。
牛奶朱古力柠檬蛋糕(左下)
朱古力外层味道好出，令我已经唔太记得有无食到柠檬味😆
蜜桃泡芙(右下)
睇返menu先知佢除左cream都仲有糖渍蜜桃同红莓啫喱，当时啪入口又真系无食到咁多野🤔
菊花杏脯松饼&原味松饼(附clotted cream&果酱)松饼做得唔错，入面够湿润，唔会太干，菊花杏脯松饼嘅菊花味比之前啫喱出太多，今次真系有清香感🌼
坐得舒服，平日下午唔算多人，bb间中叫一两声都唔会太嘈亲人。呢set试过一次就可以了，下次可以试其他，但佢地今次同Paul&Joe合作，每人可以攞返个gift set，可以去换枝货装size唇膏同有啲化妆品试用，咁计落又好似几抵嘅，但食物方面，我都系想试下其他tea set多啲🍰
张贴
