Rice Paper (已結業)

约左几位友人出又一城行下街，顺便又睇下bb。本想食另一间餐厅，但友人去错地方而黎左rice paper。错有错著，呢度唔使排队之余，仲比左个房仔我地，可以摆bb櫈，又可以比bb行黎行去，对妈妈聚会黎讲真系几好，但店员提醒只可进餐个半钟，有点赶啦。主打越南菜嘅餐厅，但唔知点解我地拣嘅都系泰式菜，其中一位友人唔食辣，几经商量，决定叫几样大路野。泰菠萝海鲜炒饭 $108四份一个菠萝连炒饭上，唔系一般见到用菠萝盛住，海鲜有青口，带子，鱼柳，虾，露荀等，颇为丰富。饭炒得很干身，烟韧有饭香，食得出系靓嘅丝苗米，份量亦比预期中大，几抵食。泰式湿炒猪肉河粉 $88咦咦望唔到有河粉嘅？原来系用上一大片个种泰式河粉，配料有猪肉片，芥兰，粟米仔，草菇等，河粉很黏口，而且个汁好咸，一般。泰式炸虾饼 $82新炸起十分香脆，唔油，虾饼很弹牙，旁边的甜酸汁都几辣，唔食得辣嘅朋友真系点少少好啦。蒜蓉包  $32一般蒜蓉包味，无惊喜，唯好处系一焗好即刻上，香喷喷。另叫了一杯咸柠檬疏打 $38，无试亦无影相，友人话唔错饮。最后食完野吹下水，应该多过个半钟，但未有赶客，其间仲有帮我地加水，都几好吖。