富嘉閣 (已結業)

复活节的长假出了港岛走走，沿海边行了好远路，最后到了鲗鱼涌公园休息一下，见有啲饿又口渴，朋友提议去饮茶，上网search下，鲗鱼涌的茶楼不多，近近地就去左富嘉阁。个商场假日唔开？灯开一半，喷水池停左，静英英咁唔知间茶楼有无开呢？上到去间大x乐无开，都打定输数，呀…点知茶楼有开门㖞，环境仲几好添。开有壶普洱茶，劲深色但茶味一般，再写左几个点心同炒野，休息下等食先。最先到系福建炒饭，卖相都唔错，饭炒得香口干身，个汁调味几好，料都算多，好食。点心有潮州粉果，够热但少馅，我食个只无花生…菠萝叉烧包，个菠萝皮太硬太脆了，焗得过火左。香煎韮菜饺，呢样几好食，皮厚烟韧，韮菜馅鲜味多汁。最后有甜品迷你蛋挞仔，系曲奇皮…仲谂住茶楼会有酥皮添，个皮同菠萝包一样太硬太脆，蛋汁又少，个蛋挞仔已经细仲得半满蛋汁，失望。加分点系有潮州辣椒油，有左佢再唔食嘅点心都变得好食。食物水准一般，胜在环境唔错同极多伙计，茶水冲得好勤快。