影片
更多
2023-09-19
327 浏览
呢排好钟意食点心！原来尖沙咀H8都有一间环境靓、坐得舒服嘅新派点心店－明干小馆！点心全部即叫即蒸，茶嘅选择都好多，有菊花普洱、陈皮洛神花茶、高山云雾绿茶、黑枸杞玫瑰花茶、锡兰红茶等等，款式比较特别！手剁鲜牛肉肠($48)肠粉好有惊喜，肠粉皮做得透薄，塞满手剁鲜牛肉，肉味浓郁。彩虹虾饺($68)虾饺皮呈彩色，卖相吸引精致，烟靭嘅虾饺皮包住弹牙爽口嘅虾肉，水准唔错！黑蒜烧卖($68)黑色烧卖，造型型格！内馅系实在足料嘅猪肉虾肉馅，面头再放上柔软鲜甜嘅带子，层次丰富！黑金流沙包($22)包用上竹炭粉制成，新鲜出炉，口感松软。流沙馅流心度高，有微微起沙，唔错。虾多士($38)虾多士新鲜即炸，所以炸得够脆又唔油益，面头放上弹牙嘅大虾，蘸上秘制酱汁，好有风味！黑毛猪扒担担面($88)估唔到呢度嘅担担面味道都几对板，汤底充满花生香，而且仲好有诚意地加入虾米去熬汤，所以汤底非常鲜甜，浓稠度都恰到好处，好挂面！猪扒软腍松化，不过外皮可以炸得香口一点！金沙芝麻卷($38)甜品竟然有少见嘅菲林卷，当然要试下！芝麻卷烟烟韧韧，每啖都充满香浓嘅黑芝麻味，甜度刚好！
点心全部即叫即蒸，茶嘅选择都好多，有菊花普洱、陈皮洛神花茶、高山云雾绿茶、黑枸杞玫瑰花茶、锡兰红茶等等，款式比较特别！
手剁鲜牛肉肠($48)
肠粉好有惊喜，肠粉皮做得透薄，塞满手剁鲜牛肉，肉味浓郁。
彩虹虾饺($68)
虾饺皮呈彩色，卖相吸引精致，烟靭嘅虾饺皮包住弹牙爽口嘅虾肉，水准唔错！
黑蒜烧卖($68)
黑色烧卖，造型型格！内馅系实在足料嘅猪肉虾肉馅，面头再放上柔软鲜甜嘅带子，层次丰富！
黑金流沙包($22)
包用上竹炭粉制成，新鲜出炉，口感松软。流沙馅流心度高，有微微起沙，唔错。
虾多士($38)
虾多士新鲜即炸，所以炸得够脆又唔油益，面头放上弹牙嘅大虾，蘸上秘制酱汁，好有风味！
黑毛猪扒担担面($88)
估唔到呢度嘅担担面味道都几对板，汤底充满花生香，而且仲好有诚意地加入虾米去熬汤，所以汤底非常鲜甜，浓稠度都恰到好处，好挂面！猪扒软腍松化，不过外皮可以炸得香口一点！
金沙芝麻卷($38)
甜品竟然有少见嘅菲林卷，当然要试下！芝麻卷烟烟韧韧，每啖都充满香浓嘅黑芝麻味，甜度刚好！
张贴
