影片
更多
2020-12-07
178 浏览
平时都唔会打食评，但系今日嚟咗一间比较特别嘅餐厅，所以就想打下食评。今日揸车同老公去咗长沙湾行街，跟住就喺OpenRice揾吓有咩好嘢食，发现咗呢间串烧花甲店，6:00嚟到嘅时候已经有人喺门口等紧，我哋等咗半个钟，呢间餐厅可以留低电话号码，之后有位就打俾我哋，不过我同老公都行到攰，所以就系门口坐咗一阵等位，店主见我哋等咗一阵，仲问我地口唔口渴，请咗我哋饮两包柠檬茶😍🧃终于入咗去，有得叫嘢食，入面都好靓，装修比较有心思，而且临近圣诞节，放咗好多好靓嘅装饰，店主同我哋讲，由于串烧系即叫即烧，所以会等得比较耐少少，如果想快啲，花甲份就会快少少，因为我哋唔赶时间，都系想倾吓计食下野，所以就冇咩所谓。餐单系分左两张，有花甲粉同埋串烧，我哋就叫咗特色花甲粉，再加花蟹花甲粉，而串烧，就叫咗一定要食嘅烧茄子，鸡翼，墨鱼丸，烧卖，生蚝，鸡泡鱼。特别要一提嘅系烧茄子同墨鱼丸都超好食，只生蚝就超大只，有我手板咁大，仲有一份好特别嘅鸡泡鱼，老公仲买多咗一份返屋企食，佢话送啤酒一流，而且喺其他地方好似冇见过，个口感好特别，呢间舖头都有啤酒卖，但系由于老公要揸车，所以就冇嗌到。另外花甲粉都有惊喜，估唔到细细碗嘅花
今日揸车同老公去咗长沙湾行街，跟住就喺OpenRice揾吓有咩好嘢食，发现咗呢间串烧花甲店，6:00嚟到嘅时候已经有人喺门口等紧，我哋等咗半个钟，呢间餐厅可以留低电话号码，之后有位就打俾我哋，不过我同老公都行到攰，所以就系门口坐咗一阵等位，店主见我哋等咗一阵，仲问我地口唔口渴，请咗我哋饮两包柠檬茶😍🧃
终于入咗去，有得叫嘢食，入面都好靓，装修比较有心思，而且临近圣诞节，放咗好多好靓嘅装饰，店主同我哋讲，由于串烧系即叫即烧，所以会等得比较耐少少，如果想快啲，花甲份就会快少少，因为我哋唔赶时间，都系想倾吓计食下野，所以就冇咩所谓。
餐单系分左两张，有花甲粉同埋串烧，我哋就叫咗特色花甲粉，再加花蟹花甲粉，而串烧，就叫咗一定要食嘅烧茄子，鸡翼，墨鱼丸，烧卖，生蚝，鸡泡鱼。
特别要一提嘅系烧茄子同墨鱼丸都超好食，只生蚝就超大只，有我手板咁大，仲有一份好特别嘅鸡泡鱼，老公仲买多咗一份返屋企食，佢话送啤酒一流，而且喺其他地方好似冇见过，个口感好特别，呢间舖头都有啤酒卖，但系由于老公要揸车，所以就冇嗌到。
另外花甲粉都有惊喜，估唔到细细碗嘅花蟹粉，有成只蟹，而且只蟹仲要拆咗，食蟹最麻烦就要用手食，所以呢样嘢都好细心，而且都好鲜甜，估计应该系即日嘅新鲜海鲜，问咗店主，原来汤底系佢自己亲自调制的
除咗店内装修好靓之外，仲喺门口见到有一个信箱仔，问咗店主，话之后可以比客人写信比自己唔敢同佢开口讲嘢嘅人，我觉得都几特别，不过佢话而家未开始，希望下次嚟嘅时候已经开始啦！
虽然屋企唔近呢头，但系都会再嚟，因为嘢食好食之外，店主又好人，而且装修又靓坐得好舒服，最希望系疫情过后之后可以有几个朋友一齐食嘢就正啦！
张贴
