芳華絕代 (已結業)

IG成日被芳华绝代嘅霓虹灯洗版，今次终于到我嚟试喇！餐厅楼高两层，环境阔落舒适，打卡影相都唔怕会影到其他人泰式奶茶 $36叫咗少冰，饮落甜度适中，浓郁嘅奶香之中又有阵阵嘅茶香，茶同炼奶嘅冲泡比例对我嚟讲啱啱好泰式猪颈肉沙律 $88猪颈肉烧到有少少脆边，弹牙香口；沙律菜都够新鲜，配埋啲酸酸辣辣嘅泰式酱汁，开胃清爽。盐烧乌头鱼 $188好正，啖啖肉冇咩细骨，啱晒我呢啲懒得吐骨嘅人～盐焗嘅做法令乌头鱼保持嫩滑多汁，一啲泥味都冇，鲜味十足！蛋酱黄咖哩酱炒酥脆软壳蟹 配香酥饼 $128软壳蟹炸得外脆内软，份量都几多，点埋啲香浓惹味嘅咖哩酱真系冇得输。香酥饼香脆得嚟又有啲烟韧，重有浓浓嘅牛油香味，就噉食都好好食。西米糕布甸 $12本来好想试吓个「泰。多士」甜品，不过今餐食得太饱太丰富，所以就点咗个轻盈啲嘅甜品。细细杯嘅西米糕布甸，又滑又椰奶味，个底重有好多西米粒！芳华绝代最近重做紧幸运轮抽奖，食满每$150就可以转一次，大奖系$1000现金券！我哋就抽中咗海鲜冬阴公汤一份，可以下次用，btw真系好好奇「泰国空气一包」系点有得食、有得玩，重有得打卡，成个体验都几开心，好适合同朋友家人嚟饮聚畅饮。