Glasshouse (國際金融中心) (已結業)

IFC 4楼平台有几间餐厅都拥有落地玻璃，可以望住海景，有outdoor 可以坐，环境一流，当晚见到好多外国人外卖啤酒喺餐厅出边平台享用相当热闹。今次拣左呢间glasshouse ，晚市分咗两个时段只有1.5 hour所以食得比较赶，不过食物整体来讲都算唔错。龙虾汤味道算浓郁，配左两块蒜蓉包脆脆地唔错小食拼盘每款小食都出色，鱿鱼须春卷热辣辣脆卜卜，粟米虾饼好弹牙，鸡翼牛肉猪肉串烧惹味，配埋沙嗲汁同酸甜汁食到停唔到口啊！黑胡椒酱烤鸡炒意粉呢个意粉都几特别，下面有一层蛋浆，意粉用黑胡椒酱炒但味道不算太出色，烤鸡唔系件件都咁稔咁滑，所以只系一般。Very berry cream foam其实佢系士多啤梨沙冰，加左少少cream，卖相几靓，唔甜但冇咩特别Banana creme brûlée 值得一试，香蕉布满焦糖味加少少酒味，布丁好滑好香蛋味唔算甜，旁边有杯expresso，waiter 好细心叫你唔好一次过落，我就续啲续啲加落去因应自己嘅口味，苦苦地但系我觉得更加有层次，两种食法都好食。