旦王花 - 泰越鍾情

营业中

休息中

夜晚9點左右到，泊車＄20，得知中午泊車免費。當晚冇乜客，但服務員帶左我地去近廁所的位置。服務員未帶到枱已講要快落單話last order，收到餐牌我地就好急落完單後，要求換到池邊有風扇的枱，服務員黑面話我地點解唔早講，落左單換枱號很煩。之後再問都俾我們換枱，因為原先個位置真的太熱。換枱後發現有反肚小強喺枱底，但很怕服務員所以唔敢出聲叫服務員處理。沙爹串燒半豬半雞＄98一般串燒嘅味道欖角肉碎炒飯＄98味道不錯黃咖啡雞＄98蒜蓉方包＄38黃咖哩椰香不夠，很可惜係印度廚師不在，沒有印度薄餅，用左蒜蓉方包點咖哩，但味道不夾。蒜蓉方包單獨食係幾好味，很香濃。馬拉盞大蝦炒四季豆＄98辣得很，同服務員講完佢都話好多客都覺得辣，拎返入廚房再炒過，之後的比較甜少少辣不錯，很多蝦。海洋炒墨魚汁河粉＄148少辣，海洋不錯，麵很乾芒果黑糯米飯＄68芒果有花香，紫米很好吃，整體唔錯張單啲字係亂碼所以以上菜名只係記憶中菜名，可能有啲唔同。