影片
更多
2023-03-04
1595 浏览
🥰 话说早几日太忙, 错过咗一顿免费 “厨师发板”, 连续几日心思思要食寿司, “千两” “元气” 乜都食过, 都系心有不甘, 今日老友 “陈登” 即兴话请我食寿司, 我即刻打俾早前食过嘅 “舞鹤铁板烧”, 原来已经收皮, 电话飞咗去原店 “舞鹤”. 呢间鮨店以前颇有名气, 决定一试!📖 翻查资料: “陈登” 系三国时代人物, 曾效力陶谦, 刘备, 吕布, 曹操. “陈登” 嗜食生鱼片, 胃中累积有寄生虫, 因而重病, 经名医华佗医治痊愈, 但华佗提醒他此病三年后会复发, 需要有良医在旁。三年后果然应言复发, 此时华佗不在, 陈登便因病死去.🥢 餐厅设一张L型14人寿司吧枱, 另外设数张卡位及方枱. 第一感觉系: 非常嘈吵. 点咗12贯寿司套餐, $530+10%. 由于师傅要处理普通枱嘅食物, 感觉就系好忙, 唔得闲同我哋讲嘢, 冇乜交流.🥗 沙律. 正常, 配屈机酱, 乜都好食.🍥 茶碗蒸. 够热, 略甜, 鲜味跑出, 不俗.🍣 石鲷. 青柠汁带起味道, 口感烟韧, 唔错. 第一件就唔记得影相… 我偷偷地影番隔篱枱嘅第一件, 哈.🍣 右口鱼. 炙烧咗一旧仔, 烧咗同冇烧嘅部份好似融
📖 翻查资料: “陈登” 系三国时代人物, 曾效力陶谦, 刘备, 吕布, 曹操. “陈登” 嗜食生鱼片, 胃中累积有寄生虫, 因而重病, 经名医华佗医治痊愈, 但华佗提醒他此病三年后会复发, 需要有良医在旁。三年后果然应言复发, 此时华佗不在, 陈登便因病死去.
🥢 餐厅设一张L型14人寿司吧枱, 另外设数张卡位及方枱. 第一感觉系: 非常嘈吵. 点咗12贯寿司套餐, $530+10%. 由于师傅要处理普通枱嘅食物, 感觉就系好忙, 唔得闲同我哋讲嘢, 冇乜交流.
🥗 沙律. 正常, 配屈机酱, 乜都好食.
🍥 茶碗蒸. 够热, 略甜, 鲜味跑出, 不俗.
🍣 石鲷. 青柠汁带起味道, 口感烟韧, 唔错. 第一件就唔记得影相… 我偷偷地影番隔篱枱嘅第一件, 哈.
🍣 右口鱼. 炙烧咗一旧仔, 烧咗同冇烧嘅部份好似融合唔到, 一般.
🦐 赤虾, 配飞鱼子. 赤虾胶口, 飞鱼子卜卜脆, “陈登” 赞口不绝!
🍣 间八. 口感柔润.
🍣 金目鲷. 可能炙烧过龙, 麻麻地.
🍣 中拖罗. 我几钟意呢种重金属味, 可惜冇咗期望嘅酱油味.
🍣 银鳕鱼. 烧到差唔多全熟, 冇特别.
🐚 赤贝. 柠檬汁味唔够, 反而海水味非常出色.
🍣 三文鱼子. 以为冇料到, 点知三文鱼子特别处理过嘅, 带甜, 系我自己唔钟意食.
🍣 烧拖罗. 油份迫晒出嚟, 配炸蒜片, 好食. 只系觉得将大拖罗烧到咁熟有点浪费.
🍣 海胆. 用上紫海胆, 忌廉口感, “陈登” 今日最爱.
🍣 赤贝裙边卷物. 味道比较弱, 紫菜亦都唔脆, 唔识欣赏.
🍣 吞拿鱼蓉手卷. 正常, 食到呢度, 唔知点解, 个口好攰.
🥣 面豉汤. 超级热, 赢咗.
☕️ 热咖啡. “陈登” 赞口不绝.
🍨 雪糕. 应该系红豆味, “陈登” 问我系咪士多啤梨味?!
🤗 总结: 非常嘈吵, 师傅好忙, 食得好唔安乐. 师傅只系讲低鱼名, 冇乜交流, 非常失望. 鱼料质素一般般, 调味唔啱我口味. 以呢个价钱, 我谂到其他选择.
张贴
