Dodam Chicken (1亞太中心) (已結業)

前排疫情关系少咗出街食饭。 今日喺观塘行街，lunch time经朋友介绍到呢间韩式餐厅食饭。餐厅虽然喺三楼，但搭电梯一出就会见到，非常易揾。餐厅座位非常阔落，坐得非常舒服 。餐厅景观开扬，望向裕民坊，食饭食tea倾计环境一绝。今日叫咗蜂蜜牛油炸鸡、芝士火山熔岩饭同埋泡菜海鲜煎饼。 所有午市套餐都会附送饮品一支。饮品除咗热柚子蜜外，仲可以喺雪柜入面挑选，选择非常多。另外餐厅亦设有自助mini bar，当日有泡菜同炒粉丝供应。炒粉丝软硬适中，质感弹牙，值得一试。泡菜对香港人而言味道可能偏辣，建议先攞少量试试再睇下要唔要添食。餐厅上菜速度好快，落单后拎完前菜无耐炸鸡就上枱。餐厅嘅蜂蜜牛油炸鸡蜂蜜系以焦糖嘅方法上上鸡件，相比一般快餐店嘅炸鸡有另类脆脆嘅口感。但如果想食返快餐店炸鸡嘅口感，餐厅亦有对应口味可供选择。泡菜煎饼更为出色。煎饼煎得非常脆身，而且上枱之前店员已经用刀切开一件件避免食客拎起嘅时候令煎饼碎开。最后上枱系芝士熔岩炒饭。芝士混喺蛋层之间，避免芝士失温过快，但上枱后仍然建议优先食用。餐厅设有吧台，但因为疫情无开。相信疫情缓和之后会系附近上班一族happy hour嘅好地方。