Y Pasta (已搬遷) 新店位置

铜锣湾 the L. square 有唔少餐厅，Y Pasta 之前已经留意上.我嘅大爱意粉屋愈来愈差被迫放弃拒绝帮衬，于是唯有揾替代，嚟 Y Pasta 开餐睇睇咩质素.一步入餐厅，冷气足够，已经加分!餐厅位处十四楼，风景更加开扬吸引.点咗份芝士酿烧烤大啡菇做前菜，忌廉黑松露野菌汤，龙虾汤都加酥皮，一份香草烤BB羊架同明太子酱北海道帆立贝长通粉.落单扫 QR Code，我一向好反感 QE Code 落单! 例如要加多葱多蒜加汁加酱少饭少冰，总系无得拣! 但 Y Pasta 嘅 QR Code 够人性，天使面螺丝粉长通粉意粉自由配搭，有咩要求又有备注一删可以填，哩d系统先系人用㗎嘛! 俾大大个赞!好耐无饮酥皮汤啦! 黑松露野菌汤同龙虾汤都同样浓郁，酥皮薄而脆.烧烤大啡菇配上香浓芝士，再配上加上醋嘅沙律菜，更加惹味.帆立贝长通粉用上原只大大只帆立贝，足料! 帆立贝煎得啱啱好口感嫩滑之余，又有鲜甜味，再加埋蟹籽一同入口味道更强.香草烤BB羊架肉质鲜嫩，口感似食紧和牛，配上薄荷酱味道酸中带甜，非点不可.我地无点 pizza，见到隔离枱嘅 pizza 系较薄嘅饼底，系我中意嘅口味，望埋去又薄又