牧羊少年咖啡館 (白楊街)

营业中

休息中

今日经过依间餐厅，系出面望入去，觉得一定好贵，点知睇下餐牌，价钱唔系想像中甘贵，系正常价，于是走入去食，佢个环境不得了，靓到我唔愿走。用餐时间有两小时，最啱一班朋友系度食野同倾计。讲返食品，佢既餐附送杂菜沙律，杂菜好新鲜，十分健康。佢个忌廉汁烟三文鱼意粉，汁味浓，仲有好多块烟三文鱼，意粉烟烟韧韧，好好味。蘑菇汁汉堡扒饭，蘑菇同汁都好多，个汉堡扒牛味好浓，值得推介。叫餐加多小小钱可加是拉差鸡翼，超好味，脆卜卜，又入味。餐饮点左爱尔兰咖啡，咖啡味好浓，啱晒我依个咖啡精一句讲晒，一定会再嚟食