影片
更多
2023-11-16
545 浏览
曾经系塘尾道返过几年工，当年果头有两间巧出名嘅车仔面档，一间系肥公! 当时间铺细到不得了完全做唔到堂食，只可以系门口摆几张枱，之后攞埋隔离个单位铺位大好多，但都无机会去帮衬，今日去果头买料就想话去帮衬，噢..... 真可惜! 已关门大吉! 想话上网睇睇佢地系咪搬铺，原来因为人手不足所以结业!又一间好味嘅餐厅消失，又再次证明做人要及时行乐! 好嘅就要好好揽实好好享受，相反唔 like 嘅就要马上踢开咪浪费时间! 仲要踢到老远! byebye 你条尾!第二个选择就系佳佳!多次经过佳佳，望埋去总系乌天黑火以为无开门营业，推门入去，当年两姊妹一齐开档但成日斗咀好搅鬼! 今次帮衬就得一个妹妹做企档.点咗米粉，萝白，牛腩，卤水猪大肠，鲮鱼肉，冬菇同豆腐.同以前一样无变系个汤底都仲系咁重味! 而且无我嘅大爱葱花.我喜欢幼身米粉唔喜欢粗身米粉，佳佳嘅米粉尚算幼身，夹自己口味.豆腐吸收哂重味汤底，味道都变得过重，牛腩入味但比较干身唔够 Juicy，而且牛骚味唔轻，鲮鱼肉口感唔够弹牙，冬菇够冧但唔够入味.卤水猪大肠无D奇怪骚味而且入味，另外萝白大大旧份量足够.总共60蚊，性价比唔高.佳佳环境就真系唔多掂，
又一间好味嘅餐厅消失，又再次证明做人要及时行乐! 好嘅就要好好揽实好好享受，相反唔 like 嘅就要马上踢开咪浪费时间! 仲要踢到老远! byebye 你条尾!
第二个选择就系佳佳!
多次经过佳佳，望埋去总系乌天黑火以为无开门营业，推门入去，当年两姊妹一齐开档但成日斗咀好搅鬼! 今次帮衬就得一个妹妹做企档.
点咗米粉，萝白，牛腩，卤水猪大肠，鲮鱼肉，冬菇同豆腐.
同以前一样无变系个汤底都仲系咁重味! 而且无我嘅大爱葱花.
我喜欢幼身米粉唔喜欢粗身米粉，佳佳嘅米粉尚算幼身，夹自己口味.
豆腐吸收哂重味汤底，味道都变得过重，牛腩入味但比较干身唔够 Juicy，而且牛骚味唔轻，鲮鱼肉口感唔够弹牙，冬菇够冧但唔够入味.
卤水猪大肠无D奇怪骚味而且入味，另外萝白大大旧份量足够.
总共60蚊，性价比唔高.
佳佳环境就真系唔多掂，阴阴沉沉感觉总系污污糟糟!
虽然环境同食物唔系太出色，但眼见有不少街坊嚟帮衬，店员都会打个招呼，离开时都会讲再见，人情街坊味浓！
张贴
