La Vista

难得今日冇落雨，天气咁好仲要有阳光，我哋去东涌撑枱脚，试吓呢间响喜来登酒店里面嘅一间露天墨西哥菜，企喺门口等带位时已经感觉到佢哋嘅侍应非常好客，7pm去到餐厅唔系太多客，我哋仲可以拣坐最近海边嘅一张枱，望住夕阳嘅大银幕😍忍唔住即刻就要点返杯Sparkling Wine🥂 ，朋友就饮Mojito，见到Menu有超特级沙律SSS-SUPER SALAD 🥗梗系即刻要试吓啦，酱汁配搭好好味，原来里面有鸡肉、青瓜、牛油果、红萝卜、芒果、仙人掌、蜂蜜芥末沙律酱汁，第一次食有红萝卜嘅沙律，估唔到又几夹㖞，食一啖之后都觉得个人健康咗，鸡肉串烧 2串CHICKEN SKEWERS 2pcs，火候啱啱好，啲鸡肉一啲都唔嚡，而且仲好嫩滑有肉汁添，Buffalo chicken wings 配搭埋𠮶个乳酪酱汁少少酸少少甜中和返肥腻嘅口感又系好好味。总括对呢间餐厅非常满意，OpenRice订位仲要有八折🤭 而且每位侍应都非常好客！