Sky726

事关最近终于出粮啦🤩🤩上个月嘅劳动今个月要食餐好嘅去补偿！今日就同@babuka_52 一齐去食呢间位于旺角嘅西餐厅，佢一直都话想试吓，所以就嚟咗啦～🤩呢间餐厅中间摆咗张正方形吧枱，而侧边就系餐厅座位，呢个设计都几特别！🥩美国顶级安格斯肉眼扒 $358我哋嗌咗5分熟，但系建议如果唔系几食得生嘅可以叫七成熟，五成熟比想像中都几生😂😂但系好在啲肉够软林林，牛肉嘅外皮有一阵阵碳烧味，而入面肉质松软。侧边嘅配菜都唔输蚀，我平时唔系几钟意食芦笋，但呢度嘅露笋食落去咸咸地，少少盖过咗本身芦笋味，所以食落去都几OK！🍓草莓芭菲 $78呢度嘅士多啤梨雪糕感觉上几新鲜，仲有啲士多啤梨粒，同出面𠮶啲有啲分别，而且仲有类似粟米片丶饼干等等作陪衬，整个食起上嚟都算可接受。