Mansons Lot (汕頭街)

营业中

休息中

湾仔汕头街比人一种好chill同隐世感觉，容纳咗好多唔同特色嘅小店/餐厅，别树一格。Mansons Lot系当中嘅表表者，每次行过，都同自己讲一定要揾日试吓。近排终于有机会试吓，当日试咗7oz Beef Burger with Potato fries($98)，加$36转餐，有soup/salad + drink。转餐几抵，因为menu上一杯咖啡都最少要$40。牛肉好厚好足料，但唔会好实，肉汁keep到。个包松软适宜，仲有烟肉芝士同新鲜嘅番茄生菜，overall好满足。你唔会觉得佢系一个好出色嘅burger，但合格有余，每part恰如其分。粗薯条🍟好脆，会令你食上瘾，一条接一条，咩减肥大计都会忘记。Drink叫咗Latte，唔系特别钟意咖啡，唔系好识点系好，净系觉得佢易入口好顺滑。朋友嘅烤鸡沙律($83)无试，沙律睇落好fresh，但朋友觉得份量唔算好够。店内环境好有心思，令人有一种放松嘅感觉☺️。食物唔错，虽然唔算十分出色，但环境同气氛搭够，而且价钱湾仔区嚟讲算ok。推荐比附近返工嘅人。