Domon 居酒屋 (淘大商場3期) (已結業)

今日过嚟九龙湾呢边食饭，淘大商场真系好多好选择，咁啱我同朋友都想食日本嘢，所以就试吓呢间。座位好阔落坐得好舒服，两个人静静地倾吓计真系唔错。《炸鸡软骨》$38基本上食日本嘢一定会带呢款小食，炸得好脆，同埋唔会好油腻，越食越开胃。《黑松露牛拖罗卷》$98呢个睇相已经觉得非常吸引，又长又大片嘅牛肉，仲要系半熟，好嫩好好味，仲有黑松露呢个完美配搭，寿司饭都有返咁上下足料，推介。《土门青龙卷》$88呢个嘅主角系吉列虾，好酥脆 配埋中间嘅青瓜黄瓜，口感真系好好，好好味。《一夜干》半条$78一直都好钟意食日本嘅烧鱼，呢条一夜干烧得好味，厚肉有鱼油香，唔会干，食得出即烧。《山椒黑豚拉面》$88辣嘅拉面比较少食，更何况呢个系山椒，所以大胆嗌咗嚟试，估唔到又几好味，山椒味好出，豚肉亦都好多，拉面就相对普通，唔系手制，但整体都好食！ 总括嚟讲，呢间日本餐厅选择好丰富，而且价钱真系唔贵，呢一区来讲都几抵食。