緣聚 (已搬遷) 新店位置

呢间放题细细间，相对位置唔系咁多，最好先订台，即日订座仲有九五折以放题黎讲，主要都系西式同日式食物，选择都唔少。刺身都系一般大路款式，有约十款选择，新鲜甜美寿司同手卷选择比较多，推介火炙芝士蟹棒寿司同火炙芝士三文鱼寿司!熟食方面味道就不过不失，扒类只系茶餐厅质数，胜在可以自己拣汁，炸物偏干味道一般，烧蚝虽然细只，但都几juicy，最好味必食烧粟米，又甜又香! 必食烧粟米，可惜想再点时已经话无晒... 甜品只有几款，芝士蛋糕同香蕉泡芙都好好味，芒果布甸就唔食都得。另外仲有餐汤、沙津等等，每样野都系细细份，你点几多件就黎几多件。呢度唔似其他放题咁多人，可以静静地倾下计，适合三五知己一齐去，一大班人就未必0岩。总括黎讲呢间放题环境好，食物质数都几好，应该都会再去食!