La Parrilla Steakhouse

呢间餐厅嘅环境同气氛真系劲好，安静得嚟，waiter劲好态度同服务，包保会系食得好开心嘅一餐～🍞餐包面包就系法包咁嘅口感，外硬内软，几香小麦香，个忌廉几重奶香，建议可以摆一阵先食，会容易啲spread开～🥟Empanada de Carne Criolla其实就系黑橄榄牛肉馅饺，皮系酥皮，个饺子切开好多肉汁嘅，牛肉切得好碎，钟意佢配咗个鲜茄汁，酸酸甜甜咁，中和下肉汁𠮶种油腻，几开胃～🥠 Chicken sausage 呢个好食！好似入面有红椒，不过完全唔辣，纯粹系攞个香味，落咗少少橄榄油，煎到微微香脆，咬落去油脂爆晒出嚟，好满足～🍟French fries无限refill嘅，嚟时虽然唔系热辣辣但依然好脆，有少少香蒜嘅味道好惹味🥰Mains🥩平铁牛排（Medium Rare）呢个比较瘦，肉质上冇西冷咁软熟，但肉味重啲，都几不错，两份牛扒都系250g，份量上啱啱好～🥩西冷 （Medium Rare）配酱系芥末同一个加咗咸茶嘅油，冇咩筋，肉质腍软好易入口，冇腥/骚味，啲肉都好juicy，个人嚟讲钟意食呢个多啲～Dessert 🍮Flan Casero 焦糖布丁上面pat朱古力加焦糖，唔会太甜