汀汀烤活魚 (已結業)

订咗位，不过去到都要等15分钟先有位。店内嘅位比较密，同埋地下有水有D滑。抽风唔够，所以食完之后成身油烟味。食物方面，鱼好新鲜，完全唔腥，鱼肉好滑，汤底好惹味。我地两个女仔叫咗一条鱼，一碟牛，一个杂菇，食得好饱。其中有个年纪比较大嘅侍应叔叔，见我朋友唔识中文，佢就主动过黎用英文介绍个鱼煲，仲教我地从边个部位开始食。我朋友食唔到咁辣，个侍应叔叔仲帮我地「笔」起d辣椒同加汤，叫我地食到咁上下先至加返落去，好细心呀！