影片
更多
2021-07-27
5142 浏览
美利酒店作为活化历史建筑，于重新改建后仍然保留好多历史既建筑风格；但如果大家去到美利酒店个阵，不妨都可以上到顶层尝试呢间闹市中环境一流既西餐厅 - Popinjays。由于Popinjays位于26楼天台楼层，要前往既话就只可以于25号转乘特别升降机前往；表面上非常唔方便既前往但实际上你会被玻璃窗外既景色所吸引。由于Staycation关系，小编与老公既早餐之旅就被编配于Popinjays食，当小编见到Openrice关于呢间餐厅既食评都集中于下午茶及晚餐个阵，就当然希望俾埋早餐既资料俾大家考虑吧。价钱方面为$328+10%。环境方面，Popinjays利用蓝色为主色，配合唔同主题既壁画，再加上全落地玻璃设计，令餐厅既光线非常充足，冷气既凉快中亦感受到太阳既暖意。早餐以半自助餐既方式处理，大家可以先选择一款主菜，然后就随便可以于自助餐区拎其他食物。自助餐区唔算太大，不过以早餐计都绝对会令你饱肚，下文再慢慢介绍。主菜方面小编就拣左自选配料既奄列，而老公就拣左鲍鱼鸡粥。奄列大约既材料包括蕃茄﹑芝士﹑洋葱﹑椒粒及火腿，然后再配以薯饼。味道方面坦白讲就一般既，奄列始终需要较熟所以唔算滑，但配料
由于Popinjays位于26楼天台楼层，要前往既话就只可以于25号转乘特别升降机前往；表面上非常唔方便既前往但实际上你会被玻璃窗外既景色所吸引。
由于Staycation关系，小编与老公既早餐之旅就被编配于Popinjays食，当小编见到Openrice关于呢间餐厅既食评都集中于下午茶及晚餐个阵，就当然希望俾埋早餐既资料俾大家考虑吧。价钱方面为$328+10%。
环境方面，Popinjays利用蓝色为主色，配合唔同主题既壁画，再加上全落地玻璃设计，令餐厅既光线非常充足，冷气既凉快中亦感受到太阳既暖意。
早餐以半自助餐既方式处理，大家可以先选择一款主菜，然后就随便可以于自助餐区拎其他食物。自助餐区唔算太大，不过以早餐计都绝对会令你饱肚，下文再慢慢介绍。
主菜方面小编就拣左自选配料既奄列，而老公就拣左鲍鱼鸡粥。
奄列大约既材料包括蕃茄﹑芝士﹑洋葱﹑椒粒及火腿，然后再配以薯饼。味道方面坦白讲就一般既，奄列始终需要较熟所以唔算滑，但配料都落得几重手，所以食个阵都几饱肚；至于薯饼，可能因为一早煎好而未有保温，所以系冻既。
鲍鱼鸡粥方面，份量就唔算太多，但用料十足! 睇返都有3只细鲍鱼响入面，再粥内都有唔少既鸡丝，再配合3款既额外配料而自由放置。鲍鱼系用鲍鱼汁浸住个种，所以食个阵会明显食到鲍鱼味而算弹口既，个人就建议可以混入粥内一齐食，令粥既味道得以提升；至于鸡丝虽然煲左咁耐但都仲有鸡味，唔错。
好! 之后就到自助餐区进发，食物大约分为冷盘区﹑热盘区及面包区：
冷盘区有几款沙律﹑生果﹑乳酪，而最特别既就系有2款烟三文鱼 (原味及香草)，所以钟意食三文鱼既朋友会好满足；冷盘区亦有4款既谷物早餐，配合全脂﹑脱脂及杏仁奶。
热盘区最主要有法式多士﹑肠粉﹑蒸点心 (烧卖﹑牛肉﹑饺)﹑蒸包 (叉烧包﹑磨菇包)，仲有麦皮及鸡粥。质素上都唔错，豉油王肠粉都入哂味﹑蒸点心既烧卖同牛肉都唔算太肥。
至于面包区就更加有大量既种类可以选择，钟意硬身既有即切既法包﹑钟意有馅既可选择朱古力或果肉既﹑而钟意牛角包既亦有提供，虽然咁多既面包都会令人饱肚，但小编都觉得值得试下佢地既面包架!
综观黎讲，如果系Staycation套装包括在内既早餐，小编会觉得绝对抵食；但如果系正价既价钱食既话，就真系好睇你钟唔钟意闹市中既天台景，以环境既因素去提升性价比既指数吧。
张贴
