Lanala (威靈頓街)

营业中

休息中

Cafe环境悠闲优雅，原来系首间卖轻盈低糖嘅希腊乳酪芝士蛋糕，好啱钟意食甜品又怕肥嘅女生🥹。当日食咗全新推出嘅春夏樱花系列蛋糕同特饮，全部都很不错，相对健康之余，味道清新而且一啲都唔腻。抹茶樱花希腊乳酪芝士蛋糕⭐️⭐️⭐️⭐️用咗希腊乳酪做嘅芝士蛋糕，质感比平时嘅芝士蛋糕软，乳酪味道突出，但唔系好甜。蛋糕口感层次分明；首层粉红色啫喱同香滑樱花Cream配搭特浓日本抹茶同希腊乳酪，中间仲有红豆同麻糬，口感超丰富而且只系微甜。樱花希腊乳酪特饮⭐️⭐️⭐️淡淡樱花香结合希腊乳酪嘅浓郁柔滑口感，仲有些少士多啤梨干，酸酸甜甜，令整体口感更加丰富。樱花奶盖茶⭐️⭐️融合茶香、樱花香同奶香于一身，既有奶盖嘅顺滑绵密口感，又有樱花茶嘅清新，好特别。柚子柠檬牛角包窝夫⭐️⭐️⭐️以牛角包为基底，搭配柚子同柠檬嘅酸甜风味，即叫即制，口感酥脆之余带有阵阵清新果香。