影片
更多
2020-03-30
1023 浏览
呢日约左个好耐无见嘅中学同学聚下，废事行嚟行去，就揾个好坐啲嘅地方食个Tea吧😊。上网见到世贸隔离幢535 Tower有餐厅有得食Afternoon Tea㖞，仲要唔算贵，就试下啦。门口几隐蔽，行过真系未必留意到🙈，要上楼梯到一楼先系餐厅。我哋估唔到连条楼梯嘅装潢都特别过人，下半段用上镜面，上半段就似系海洋／水族馆主题。坐低后都唔使点睇餐牌，因为我哋一心预咗叫Deluxe Afternoon Tea Set✨($288 for Two)。下午茶包普通柠茶、柠水、咖啡，转特饮就跟餐牌原价每杯减$20。Tea Set卖相几精美，但整体比想像中精致😂，个Set有8款小食：3款咸同5款甜。个人认为咸点较为出色，包括蟹肉脆饼、鲜虾多士同A5「 日山和牛 」蕃薯饼。三样都几好食，特别系前面两种，用料新鲜👍。甜点差异就大啲，有部份饼干、蛋糕类就比较普通。不过意大利芝士杯(Tiramisu)好正😋，咖啡同酒味调和得好好，口感够Creamy。另外，抹茶雪糕亦都几高质🤤，个造型好似磨菇咁，细细粒。傻更更嘅我哋一开始挂住影干冰飘烟嘅仙气效果，影完唔记得咗佢系雪糕嚟，搞到食咗其他款式先食佢。好彩嘅系出面层白朱
呢日约左个好耐无见嘅中学同学聚下，废事行嚟行去，就揾个好坐啲嘅地方食个Tea吧😊。上网见到世贸隔离幢535 Tower有餐厅有得食Afternoon Tea㖞，仲要唔算贵，就试下啦。
门口几隐蔽，行过真系未必留意到🙈，要上楼梯到一楼先系餐厅。我哋估唔到连条楼梯嘅装潢都特别过人，下半段用上镜面，上半段就似系海洋／水族馆主题。
坐低后都唔使点睇餐牌，因为我哋一心预咗叫Deluxe Afternoon Tea Set✨($288 for Two)。下午茶包普通柠茶、柠水、咖啡，转特饮就跟餐牌原价每杯减$20。
Tea Set卖相几精美，但整体比想像中精致😂，个Set有8款小食：3款咸同5款甜。
个人认为咸点较为出色，包括蟹肉脆饼、鲜虾多士同A5「 日山和牛 」蕃薯饼。三样都几好食，特别系前面两种，用料新鲜👍。
甜点差异就大啲，有部份饼干、蛋糕类就比较普通。不过意大利芝士杯(Tiramisu)好正😋，咖啡同酒味调和得好好，口感够Creamy。
另外，抹茶雪糕亦都几高质🤤，个造型好似磨菇咁，细细粒。傻更更嘅我哋一开始挂住影干冰飘烟嘅仙气效果，影完唔记得咗佢系雪糕嚟，搞到食咗其他款式先食佢。好彩嘅系出面层白朱古力锁住咗佢，令佢无溶到。
英式松饼Scone系下午茶必备嘅心点😆，呢到配备忌廉同果酱可搽。我略嫌Scone干身咗啲，食落似饼的。
饮品方面，我哋都转咗特饮，两杯都好大杯，个样仲好打卡-able😍。Ginger Colada($68)，呢杯嘅组合好夏日缤纷，用上椰水、菠萝、姜同椰子雪糕🥥。朋友话听落觉得好奇怪，但其实OK的；可能有椰水嘅关系，味道都几清新，但姜味如果出啲就好。
朋友要咗🦋Iced Butterfly Pea Fruit Tea($58)，造型好精美，连嚿冰都加入咗桂花。店员提醒我哋将蓝蓝嘅碟豆花茶倒入另一边到，就会慢慢变色。我无饮到唔知味道点，但目测有唔少水果。
总括嚟讲，呢餐Afternoon Tea还好吧。餐厅环境真系好舒服，好啱倾计👭；就算唔嚟食嘢，坐喺窗口位放下空、饮杯嘢都唔错，好过去Coffee Shop啊！
张贴
