影片
更多
2020-09-28
609 浏览
之前喺朋友屋企食过「蟹仙海鲜蒸气锅」嘅外卖套餐几正，而家堂食开番夜就一于到店帮衬下。本身想订尖沙咀店，但就已经Full咗🈵️，唯有转战新蒲岗，反正搭巴士走都方便。餐厅环境唔大，虽然座位少，但坐得舒服，不过通道就真系窄喇。七点钟左右，餐厅开始满座，一家人或情侣客都有，好热闹👏。刚好我哋坐𠮶个位置偏近水缸，可以亲证啲海鲜有几生猛😁，店员周不时拎住个桶出嚟捉活海鲜入去㓥。未开始睇餐牌，热情女店员(事头婆？)已经向我哋介绍套餐。本身想试$299套餐，但佢推介$399个餐可以食埋龙虾，海鲜又靓啲。好啦好啦，就课金多$100啦🙈。每枱蒸锅上都有个好似草帽嘅罩，每次蒸海鲜时就会拉落嚟盖住。食海鲜前，店员先为我哋送上酱油架，可以自己捞酱油、蒜蓉、🌶辣椒、芫荽同葱。不过由于海鲜本身新鲜，所以全程都用唔著。粥底料一早已经放哂落个锅度，有米饭、猪肉、芋头、姜片同粟米等🌽。讲咗咁耐，海鲜大餐正式开始🎊。首先先来六款海鲜。越南大虎虾，蒸4分钟，依只系真虎虾🦐，未食前剥虾壳都知正。虾肉结实，口感弹牙，干净无肠，普通海虾完全无得比。日本大元贝，蒸4分钟，呢个真系超好食😋。因为平日食开嘅元贝系普通料，唔系矜贵食材，亦唔
之前喺朋友屋企食过「蟹仙海鲜蒸气锅」嘅外卖套餐几正，而家堂食开番夜就一于到店帮衬下。本身想订尖沙咀店，但就已经Full咗🈵️，唯有转战新蒲岗，反正搭巴士走都方便。
餐厅环境唔大，虽然座位少，但坐得舒服，不过通道就真系窄喇。七点钟左右，餐厅开始满座，一家人或情侣客都有，好热闹👏。
刚好我哋坐𠮶个位置偏近水缸，可以亲证啲海鲜有几生猛😁，店员周不时拎住个桶出嚟捉活海鲜入去㓥。
未开始睇餐牌，热情女店员(事头婆？)已经向我哋介绍套餐。本身想试$299套餐，但佢推介$399个餐[尊贵海鲜套餐]可以食埋龙虾，海鲜又靓啲。好啦好啦，就课金多$100啦🙈。
每枱蒸锅上都有个好似草帽嘅罩，每次蒸海鲜时就会拉落嚟盖住。
食海鲜前，店员先为我哋送上酱油架，可以自己捞酱油、蒜蓉、🌶辣椒、芫荽同葱。不过由于海鲜本身新鲜，所以全程都用唔著。
粥底料一早已经放哂落个锅度，有米饭、猪肉、芋头、姜片同粟米等🌽。
讲咗咁耐，海鲜大餐正式开始🎊。首先先来六款海鲜。
越南大虎虾
30 浏览
0 赞好
0 留言
日本大元贝
29 浏览
0 赞好
0 留言
但呢度嘅元贝超鲜甜兼Juicy，店员多次叫我哋一定要饮埋壳上面嘅汁。我哋估唔到连元贝嘅裙边同肠都咁美味😳。全晚最有惊喜之选！
台湾九孔鲍鱼，蒸3分钟，鲍鱼竟然蒸咁短时间🤔？我谂应该系预先稍作处理，因为上枱时经已离壳。味道唔错，肉质亦唔韧。
纽西兰刀贝蚌，蒸2分钟，刀贝蚌够大只，有鲍鱼咁大，好食。
韩国庆南蚝，蒸2分钟，上碟时已经去壳，蚝只肥美，但我始终麻麻蚝嘅口感同腥味，我只系接受到炸蚝。
深海龙趸片，🐟蒸1分钟，鱼肉唔松散，亦无乜骨。不过最唔吸引系呢味...。
野生大濑尿虾，濑尿虾真系好大只，大到可以用手臂作比较💪，劲夸张，但店员话呢个其实只系中呎吋。
野生大濑尿虾
9 浏览
0 赞好
0 留言
澳洲青年龙虾
6 浏览
0 赞好
0 留言
澳洲青年龙虾
8 浏览
0 赞好
0 留言
越南顶角膏蟹
8 浏览
0 赞好
0 留言
蟹膏非常鲜味，完全唔腥，流质𠮶种更为滋味 。另外，蟹肉本身亦都几好。
食完一轮海鲜就到蔬菜篮，🥦有粟米、黄芽白同油麦菜。
女店员送鱼皮俾熟客，枱枱都系🤣。佢话鱼皮无用油炸，果然食落真系少份油腻感，但比较快淋。
题外话，全程蒸海鲜均有店员代劳，所以我哋集中剥壳同食就OK🥢。每张餐枱个炉设有计时功能，侧面就有个柜桶畀人掉壳，非常方便，仲可以悭番枱面位置！
最后，就系久候我哋多时嘅粥底锅了🍲，佢集合哂所有海鲜嘅精华，正到不得了。店员会再落埋菜脯粒同葱滚两下，先哔畀我哋食。
佢系我食过咁多间粥底火锅入面最好食嘅粥，因为味道系最浓郁🤤，就算饱饱哋，我都食到完整一碗。海鲜粥本身好大锅，所以都预咗食唔哂。店员劲好帮我哋打包埋，又食又拎✌🏻。
雪燕炖官燕
14 浏览
0 赞好
0 留言
总括嚟讲，蟹仙海鲜确系新鲜😍，佢定价比同业海鲜粥底火锅店高，不过货源又真系高一班嘅，就好似龙虾同蟹咁。再者，服务好贴心，又无限进食时间😊，同长辈嚟食就最适合不过！
张贴
