The Backstreet Kitchen (已結業)

最钟意瓹窿瓹罅揾嘢食🤪呢间餐厅地点唔算旺，食饭时候去到多数要排队，不过回流几快，等咗15分钟到就入得～主打嘅石烧牛真心份量十足🤣每份都有超过10块，每位除返开大约$124呢个价钱嚟讲，CP值非常高！石烧吉列牛小扒⭐️⭐️⭐️每块吉列牛嘅厚薄度适中，每面烧10-12秒就食得，油脂分布均匀，肉质几嫩唔会韧，加埋吉列层嘅香脆，整体口感层次丰富，但牛味较淡。石烧一口牛肋肉⭐️⭐️⭐️每面烧8-10秒就食得🥢牛味比吉列牛小扒重啲，但都系略嫌不足，肉质比较嫩滑，点埋秘制豉油一齐食尤其夹！加$40有定食👉🏻包括横町饭+豆腐蕃茄汤+糖心蛋+椰菜沙律🥗比较惊喜嘅反而系跟餐嘅定食🤣睇得出系有落心思整， 横町饭落咗自家制嘅生姜烧肉汁、炒香嘅樱花虾、黑白芝麻同紫菜，捞匀一齐食好正😍豆腐蕃茄汤饮得出唔系一般味精嘅味噌汤，豆腐切成花形状好有心思， 糖心蛋正常，下次应该叫温泉蛋捞饭食🤪至于椰菜丝好鲜甜爽口唔苦涩， 食完牛肉可以去腻感👍Btw店员服务态度几好，个炉无火𠮶阵会主动帮手换火种，用完个炉后亦都会主动收起，唔驶担心个炉摆喺度会辣亲手😊唯一缺点系店舖较细， 抽油烟机唔够劲，成间舖油烟比较大。