甜入心 (淘大商場) (已結業)

好日都吾去一次九龙湾，戈日咁啱去开九龙湾食野同埋行吓淘大商场，野又食完，街又行完之际，女士们通常都最兴揾啲甜品食我自己当然都吾例外。喺淘大戈度行行下就见到一间叫甜入心嘅糖水店，见到个名都几特别，同埋openrice有吾少人推介，决定真系去试吓。晚上时分都几多人排队睇黎食店真系有一定嘅名气，要去嘅时候就预留时间，不过呢家夜晚堂食只开放到9点，食完晚餐仲要等咁耐食甜品可能赶咗啲🙈里面嘅环境都几靓，叫得甜入心真系有心心嘅装饰店内嘅装潢亦以粉红色为主，好有少女心💗就咁睇餐牌，已经知道食店系以椰皇甜品为主题，真系好吸引！我本身都好中意食椰皇类嘅甜品🤤夏天食嘅感觉会更清新。另外仲有传统冰糖系、冰汁系、烘焙类等等，选择都几多元化。呢度以椰皇类甜品为主，紧系不忘叫黎试吓🤤里面嘅材料非常丰富，有芋圆、小丸子、汤圆、鲜奶椰皇，样样都超好食😍芋圆同小丸子啱晒我呢啲烟韧控！汤圆嘅馅都好足料，够晒大粒，鲜奶椰皇清甜又好味。男朋友就叫咗另一款，呢款以焦糖布丁为主，不过同上一款一样有鲜奶椰皇，焦糖布丁质感Q弹，甜甜哋又爽滑，连埋鲜奶椰皇食都好好食😋入面系有好多椰皇冻，份量方面毫不吝啬，椰子味超浓郁啱晒我呢啲椰子控🥥