茶木‧台式休閒餐廳 (已結業)

话说前排同朋友去到旺角唔知食咩好，之后见好耐无食过茶木啲吐司，就决定去食。话就话食吐司，不过点都要嗌个饭填一填个肚先，因为实在太饿啦！今次我先嗌左个沙朗肉(牛肉)肉燥饭，因为个日唔太想食炸野，就简左呢个😂 味道方面几好，咬落去都好冧。而友人简左烤香肠肉燥饭，呢个无影到相😢最后令我今次难忘既就系呢个流心芝士竹炭吐司，佢有小小水果做点缀，然后有一球曲奇云呢拿雪糕，我同友人都好中意呢只味！但系最重点都系佢个芝士！唔系普通既咸芝士或者甜芝士，而系芝士奶盖🤤🤤 个浸味好重好正，食完第一啖之后真系有冲动想嗌多个，不过太饱了😂不过呢个吐司比起平时个几只细好多，而且价钱方面都贵啲，唯一美中不足既我觉得系唔太抵食。