茶木‧台式休閒餐廳 (已結業)

話說前排同朋友去到旺角唔知食咩好，之後見好耐無食過茶木啲吐司，就決定去食。話就話食吐司，不過點都要嗌個飯填一填個肚先，因為實在太餓啦！今次我先嗌左個沙朗肉(牛肉)肉燥飯，因為個日唔太想食炸野，就簡左呢個😂 味道方面幾好，咬落去都好冧。而友人簡左烤香腸肉燥飯，呢個無影到相😢最後令我今次難忘既就係呢個流心芝士竹炭吐司，佢有小小水果做點綴，然後有一球曲奇雲呢拿雪糕，我同友人都好中意呢隻味！但係最重點都係佢個芝士！唔係普通既鹹芝士或者甜芝士，而係芝士奶蓋🤤🤤 個浸味好重好正，食完第一啖之後真係有衝動想嗌多個，不過太飽了😂不過呢個吐司比起平時個幾隻細好多，而且價錢方面都貴啲，唯一美中不足既我覺得係唔太抵食。