影片
更多
2015-06-27
1955 浏览
话说之前成日经过旺中都望到风月堂个menu,佢D甜品好鬼吸引，想try try 好耐。今日同屋企人食饭，爸妈就强烈推介佢地几次两人世界食过嘅风月堂。环境好舒服，一上到去就见到佢有个大书架，坐喺长枱嘅一个女仔好悠闲咁攞左本书睇得好入神，好有日本cafe嘅感觉。Staff安排左我地坐喺角落嘅半圆safe枱，五个人坐有D挤拥，我地有D袋都要放系safe seat上面，有D不舒服，扣左D分.....叫左个4个餐，4个都跟餐包，呢度餐包不是普通西餐厅个种，待应上菜时微热，食落香香软软，唔洗搽牛油都得，但等得左一阵唔食佢就好快硬哂。 酥皮周打蚬汤&酥皮龙虾汤爸爸大人讲好耐无饮酥皮汤，所以就叫左个酥皮周打蚬汤&酥皮龙虾汤。酥皮又香又脆，一上菜3秒唔洗影完相，就比我地急不及待吉烂哂个酥皮定佢沈入个浓汤到。啖啖浓烈牛油香嘅酥皮加埋蚬汤同龙虾汤嘅海鲜味，绝配 但龙虾汤够浓龙虾味但厨师今日好似有D重手，比较咸，麻麻地，但个蚬汤好creamy,又有多多蚬肉，重重忌廉味加蚬鲜味。 芒果三文鱼青瓜卷卖相一流，特别吸引我地young girl食。三文鱼夹埋青瓜好fresh,加埋个三文鱼卷内有少少芒果汁，少
话说之前成日经过旺中都望到风月堂个menu,佢D甜品好鬼吸引，想try try 好耐。今日同屋企人食饭，爸妈就强烈推介佢地几次两人世界食过嘅风月堂。
环境好舒服，一上到去就见到佢有个大书架，坐喺长枱嘅一个女仔好悠闲咁攞左本书睇得好入神，好有日本cafe嘅感觉。
Staff安排左我地坐喺角落嘅半圆safe枱，五个人坐有D挤拥，我地有D袋都要放系safe seat上面，有D不舒服，扣左D分.....
叫左个4个餐，4个都跟餐包，呢度餐包不是普通西餐厅个种，待应上菜时微热，食落香香软软，唔洗搽牛油都得，但等得左一阵唔食佢就好快硬哂。酥皮周打蚬汤&酥皮龙虾汤
爸爸大人讲好耐无饮酥皮汤，所以就叫左个酥皮周打蚬汤&酥皮龙虾汤。酥皮又香又脆，一上菜3秒唔洗影完相，就比我地急不及待吉烂哂个酥皮定佢沈入个浓汤到。啖啖浓烈牛油香嘅酥皮加埋蚬汤同龙虾汤嘅海鲜味，绝配 但龙虾汤够浓龙虾味但厨师今日好似有D重手，比较咸，麻麻地，但个蚬汤好creamy,又有多多蚬肉，重重忌廉味加蚬鲜味。
芒果三文鱼青瓜卷卖相一流，特别吸引我地young girl食。三文鱼夹埋青瓜好fresh,加埋个三文鱼卷内有少少芒果汁，少少酸酸甜甜咁，好啱夏天食。本人就唔太钟意点埋旁边嘅沙律汁一齐食，因沙律汁会盖过三文鱼嘅鲜味加整个卷fresh嘅感觉，会变得腻腻
韩式泡菜石头窝饭整个石头窝饭好足料，因细妹唔食得生蛋，所以转左熟蛋，将全部材料加埋泡菜拌好，已经好够味，再加上韩式辣酱，饭焦更加辣得惹味~~
彩色缤纷窝夫碟甜品卖相好吸引，好贴合彩色缤纷呢个名，又有芒果，士多啤梨，奇异果，哈蜜瓜夹住个窝夫，但D cream太多，虽然配埋雪糕都太济，食到成口cream。D个甜品比我嘅印象就只有cream...cream...cream...
芒果圣代都系个句卖相好好，底下好有层次，有芒果、士多啤梨伴碟，吉士酱，脆脆，士多啤梨酱，之后又系大量嘅cream,上面个三个东东，开始仲以为系整个都系QQ质感，点知一食只有外面QQ,里面都系充斥住cream,冇咁待特别，都系个句: 只食到cream, cream, cream...同埋cream....
结论: 甜品令人失望 只有卖相可以吸引下人，食落就另一回事!
张贴
